उन्हाळ्याचे आगमन होताच बाजारात टरबूज, खरबूज उपलब्ध होतात. उन्हाळ्यात, रसाळ टरबूज आणि खरबूज कापल्यानंतर ते फ्रिजमध्ये थंडगार करून खाल्ले जाते. फ्रिजमध्ये ठेवल्याने ते अतीथंड होते त्यामुळे त्याची चव अधिकच वाढते, असा लोकांचा समज आहे.
उन्हाळ्यात शरीर डिहायड्रेड होऊ नये यासाठी पाणीदार फळे खाण्याचा सल्ला दिला जातो. पण उन्हाळ्यात फ्रिजमध्ये प्रत्येक गोष्ट थंड करून खाल्ली जाते. वाढत्या तापमानापासून संरक्षण करण्यासाठी त्यांना थंड ठेवण्यासाठी रेफ्रिजरेटरमध्ये ठेवतो.
पण तुम्हाला माहित आहे का की कापलेले कलिंगड आणि टरबूज फ्रीजमध्ये ठेवल्याने ते विषारी होऊ शकतात आणि त्याचा आरोग्यावरही वाईट परिणाम होतो.
चवीमध्ये बदल होतो
कलिंगड आणि टरबूज ही उन्हाळ्यात मिळणारी फळे आहेत. त्यांना घरी आणल्यानंतर, लोक त्यांना धुतात आणि कापून थेट फ्रीजमध्ये ठेवतात. असे केल्याने चवीवर परिणाम होतो हे अनेकांना माहीत नसते. याशिवाय कापलेले कलिंगड फ्रीजमध्ये ठेवणेही टाळावे.
पोषक तत्वांची पातळी कमी होते
कलिंगडामध्ये लाइकोपीन, सिट्रुलीन, व्हिटॅमिन ए, व्हिटॅमिन सी यांसारखे पौष्टिक घटक असतात. फ्रीजमध्ये ठेवल्याने हे सर्व पोषक तत्व नष्ट होतात. जेव्हा पोषक तत्व नष्ट होतात तेव्हा आपोआप बॅक्टेरिया वाढतो. म्हणजे ते फळ खाण्यायोग्य राहत नाही.
विषबाधा होऊ शकते
कापलेले कलिंगड रेफ्रिजरेटरमध्ये ठेवल्याने अन्नातून विषबाधा होण्याचा धोका वाढतो. कापलेले कलिंगड फ्रीजमध्ये ठेवल्याने बॅक्टेरिया तयार होऊ लागतात. जे आतड्याला नुकसान पोहोचवून हानिकारक सिद्ध होऊ शकते. याशिवाय, त्यात उपस्थित साखरेचे प्रमाण वाढते ज्यामुळे तुमच्या रक्तातील साखर वाढू शकते. त्यामुळे चुकूनही कलिंगड रेफ्रिजरेटरमध्ये ठेवू नये.
कलिंगडाची किती दिवस खराब होत नाही?
कलिंगड रेफ्रिजरेटरमध्ये ठेवण्याची गरज नाही कारण त्याची साल खूप जाड असते, ज्यामुळे ते सहजपणे खराब होत नाही. तुम्ही वरच 15 ते 20 दिवस न कापता तसेच ठेवू शकता.
फ्रिजशिवाय कलिंगड कसे थंड करावे?
उन्हाळ्यात थंड कलिंगड खायचे असेल तर त्यासाठी फ्रिजची गरज नाही. कलिंगड थंड करण्याचा एका सोपा मार्ग आहे. कलिंगड फ्रीजमध्ये ठेवण्याऐवजी ते 2 तास पाण्यात बुडवून ठेवावे, त्यानंतर ते ताजे कापून खावे. टरबूज थंड करण्याचा हा एक नैसर्गिक मार्ग आहे. असे केल्याने त्यातील पोषक तत्वही संपत नाहीत. आणि त्याचे चांगले फायदे तुम्हाला मिळतील.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.