अनेक लोक उन्हाळ्यात वजन कमी करण्यासाठी विविध उपाय करतात. यासाठी आहार आणि व्यायामाचा दिनचर्येत समावेश करतात. पण तरीसुद्धा वजन कमी होत नाही. यामागे अपुरी झोप हे एक कारण असू शकते. इंस्टाग्राम पोस्टमध्ये पोषणतज्ज्ञ नमामी अग्रवाल यांनी उन्हाळ्यात वजन कमी करण्यासाठी काय करावे याबाबत माहिती दिली आहे.
इंस्टाग्राम पोस्टमध्ये पोषणतज्ज्ञ नमामी अग्रवाल यांनी पोस्ट शेअर करत अपुरी झोप घेतल्यास वजन वाढू शकते हे सांगितले आहे. तुम्ही वजन कमी करण्यासाठी व्यायाम करत आहात आणि योग्य आहार घेत आहात पण वजन कमी होत नसेल तर यामागे अपुरी झोप हे कारण असू शकते.
अपुऱ्या झोपेचा तुमच्या वजन वाढीवर कसा परिणाम होतो
पचनसंस्था
पचनसंस्था सुरळित काम करत असेल तर कॅलरी बर्न होण्यास मदत मिळते. यामुळे वजन देखील कमी होण्यास मदत मिळते. पण अपुऱ्या झोपेमुळे पचनसंस्था सुरळित कार्य करत नाही. यामुळे वजन झपाट्याने वाढते. त्यामुळे तज्ज्ञांच्या मते निरोगी राहण्यासाठी आणि वजन कमी करण्यासाठी 7 ते 8 तासांची पुरेशी झोप घ्यावी.
कॅलरी बर्न न होणे
पोषणतज्ञांच्या मते जेव्हा तुम्हाला झोप येत नाही तेव्हा तुमच्या शरीरात ऊर्जेसाठी चरबी जाळण्याऐवजी जमा होऊ शकते. यामुळे तुम्ही एका दिवसात कमी कॅलरी बर्न करू शकता. यामुळे वजन वाढू शकते.
तणाव वाढणे
अपुऱ्या झोपेमुळे शरीरातील कोर्टिसोलची पातळी म्हणजेच तणाव वाढतो. तणाव वाढल्याने वजन झपाट्याने वाढू शकते. कारण कॅलरीज् बर्न होत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.