राष्ट्रपती द्रौपदी मुर्मु आजपासून अल्जेरिया, मॉरिटानिया आणि मलावी या तीन आफ्रिकी देशांच्या दौऱ्यावर रवाना झाल्या. राष्ट्रपतींचा हा सात दिवसांचा दौराअसून तीन आफ्रिकी देशांना भेट देणाऱ्या त्या पहिल्या भारतीय राष्ट्रपती ठरणार आहेत.
राष्ट्रवादी काँग्रेसचे नेते बाबा सिद्दीकी यांच्या हत्येचा तपास करण्यासाठी दिल्ली पोलीस विशेष पथक मुंबईत पाठवणार आहेत.
मुख्यमंत्री एकनाथ शिंदे यांनी माजी राज्यमंत्री बाबा सिद्दिकी यांच्यावर शासकीय इतमामाने अंत्यसंस्कार करण्याच्या सूचना दिल्या आहेत. २००४ ते २००८ या काळात बाबा सिद्दिकी यांनी विविध खात्यांचे राज्यमंत्री व म्हाडाचे अध्यक्ष म्हणून कार्य केले.
“मुंबईत कायदा आणि सुव्यवस्था चांगली होती.मात्र, आता पोलिसांची भीती राहिली नाही.महाराष्ट्राचे गृहमंत्री देवेंद्र फडणवीस पूर्णपणे अपयशी ठरले असून त्यांनी राजीनामा द्यावा, असे आम्ही म्हणत आहोत. मात्र, आता परिस्थिती बिघडली आहे. त्यामुळे राज्यपालांनी या प्रकरणात हस्तक्षेप करून फडणवीस यांना गृहमंत्री पदावरून हटवावे,” असे शिवसेना नेते संजय राऊत यांनी बाबा सिद्दीकीच्या हत्येप्रकरणी मुंबईत पत्रकार परिषदेत सांगितले.
बाबा सिद्दिकींच्या हत्येनंतर अभिनेता सलमान खानचे निवासस्थान असलेल्या गॅलेक्सी अपार्टमेंटबाहेर सुरक्षा वाढवण्यात आली आहे.
बाबा सिद्दिकी यांच्या हत्ये प्रकरणी निर्मल नगर पोलीस ठाण्यात हत्येचा गुन्हा दाखल झाला आहे. हत्या आणि आर्मस ॲक्ट अंतर्गत हा गुन्हा दाखल झाला असून गुर्मैल सिंह,२३ राहणार हरियाणा आणि धर्मराज कश्यप,१९ राहणार उत्तर प्रदेश यांना अटक करण्यात आली आहे.
बाबा सिद्दीकी हत्या प्रकरणी प्रतिक्रिया देताना वकील उज्ज्वल निकम म्हणाले, "मुंबईत काल रात्री घडलेली ही अत्यंत दुर्दैवी घटना आहे. मुंबईत अनेक वर्षांपासून कोणत्याही राजकीय नेत्याची हत्या झाली नव्हती. ही हत्या का झाली आणि कोणी केली हा मुख्य प्रश्न आहे. दोन संशयितांना जमावाने जागीच पकडले आणि तिसरा हल्लेखोर पळून गेल्याचे मला समजले.
बाबा सिद्दीकी हत्या प्रकरणात हरियाणातील कर्नैल सिंग आणि उत्तर प्रदेशातील धर्मराज कश्यप अशी अटक करण्यात आलेल्या दोन आरोपींची नावे आहेत. आरोपींनी बाबा सिद्दीकी यांच्या घराची आणि कार्यालयाची रेकी केली होती, ते दीड ते दोन महिन्यांपासून मुंबईत होते आणि त्यांच्यावर लक्ष ठेवून होते. तिसऱ्या आरोपीचा शोध सुरू, मुंबई गुन्हे शाखेची अनेक पथके या प्रकरणाचा तपास करत आहेत.
Latest Marathi Live Updates 12 October 2024 : विधानसभेच्या तोंडावर मुंबईत अजित पवार यांच्या राष्ट्रवादीचे नेते आणि आमदार झिशान सिद्दीकींचे वडिल बाबा सिद्दीकी यांची हत्या झाली आहे.
विधानसभा निवडणुकीची #ElectionWithSakal तारीख येत्या काही दिवसांत जाहीर होण्याची दाट शक्यता वर्तविली जात आहे. त्या पार्श्वभूमीवर राज्यात राजकीय पक्षांची तयारी सुरू आहे.
त्याचबरोबर पुढील दोन दिवस हवामान विभागाने राज्यात पावसाची शक्यता वर्तवली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.