अभिनेता गोविंदा आहुजा याचे नाव सध्या उत्तर पश्चिम मुंबई लोकसभा मतदार संघासाठी चर्चेत आले आहे. लवकरच गोविंदा हे मुख्यमंत्री एकनाथ शिंदेंच्या उपस्थितीत शिवसेनेत प्रवेश करणार असल्याची माहिती सूत्रांनी दिली.
काही दिवसांपूर्वी या अनुशंगाने अभिनेता गोविंदाने मुख्यमंत्र्यांची वर्षावर भेट घेतल्याची माहिती सूत्रांनी दिली.
उत्तर पश्चिम मतदार संघातून महाविकास आघाडीकडून अमोल किर्तीकर यांच्या नावाची घोषणा ठाकरेंनी केली आहे. गजानन किर्तीकर यांचे वय लक्षात घेता, त्याच्या जागी चर्चेतला आणि अनुभवी उमेदवार असायला हवा या अनुशंगाने गोविंदाच्या नावाची चर्चा आहे.
या आधी गोविंदा यांनी २००४ मध्ये उत्तर मुंबईतून लोकसभा निवडणूक लढवत भाजपच्या राम नाईकांच्या अभेद किल्ल्याला भगदाड पाडत काॅग्रेसचा झेंडा रोवला होता.
अभिनेता म्हणून गोविंदा प्रसिद्ध असून राजकीय डावपेचांतीही त्यांना जाण असल्याने अमोल किर्तीकर यांच्या विरोधात हा चेहरा चालू शकतो. त्यामुळे गोविंदा यांच्या नावाची चाचपणीही सुरू असल्याची माहिती मिळते.
या आधीही या जागेसाठी अक्षय कुमार, माधुरी दिक्षित, नाना पाटेकर, यांना विचारणा करण्यात आली होती. मात्र अक्षय व नानांनी स्पष्ठ नकार दिला. तर माधुरी दिक्षित यांच्याकडून उत्तरच आले नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.