वृंदावन : ‘‘मागील काही वर्षांपासून राजकारणात असले तरी मी राजकीय नेता नाही. मी कृष्णभक्त आहे आणि मथुरेच्या विकासाबाबत मी पाहिलेले स्वप्न पूर्ण करण्यासाठीच पुन्हा एकदा निवडणुकीच्या रिंगणात उतरले आहे,’’ असे प्रतिपादन मथुरा मतदारसंघातील भाजपच्या उमेदवार आणि विद्यमान खासदार हेमामालिनी यांनी आज केले.
ज्येष्ठ अभिनेत्री हेमामालिनी या मथुरा मतदारसंघातून भाजपच्या तिकिटावर दोन वेळेस विजयी झाल्या असून यंदा त्या तिसऱ्यांदा निवडणूक लढविणार आहेत. मथुरेत लोकांमध्ये हेमामालिनी यांच्याबद्दल आकर्षण आहे. या आकर्षणाचे मतांमध्ये रूपांतर होते की नाही, त्यावर हेमामालिनी यांचे राजकीय भवितव्य ठरणार आहे.
‘पीटीआय’ला दिलेल्या मुलाखतीमध्ये त्यांनी विजयाबद्दल विश्‍वास व्यक्त केला. त्या म्हणाल्या,‘‘तिसऱ्यांदा निवडणूक लढवीत असले तरी मी राजकारणी नाही. मी स्वत:ला कृष्णभक्त मानते व माझ्या मतदारसंघात अद्याप अपूर्ण असलेली कामे पूर्ण करण्यासाठीच मी पुन्हा निवडणूक लढवीत आहे. मथुरा मतदारसंघ माझ्याकडे नसता, तर कदाचित मी निवडणूक लढविली नसती. श्रीकृष्णाला माझ्याकडून सेवा करवून घ्यायची असल्यानेच मी येथे आहे.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.