Gulabrao Patil:

महाराष्ट्रात लोकसभा निवडणुकांचे जोरदार वारे वाहत आहेत. महायुती विरुद्ध महाविकास आघाडी असा सामना माहाराष्ट्रात रंगला आहे. भर उन्हात नेत्यांच्या सभा सुरु असून एकमेकांवर शाब्दीक चिखलफेक सुरु आहे. मंत्री गुलाबराव पाटील यांनी एका मेळाव्यात जोरदार भाषण केलं. गुलाबराव पाटील जळगावमध्ये बोलत होते.

गुलाबराव पाटील म्हणाले, भाजपने काम नाही केलं तर आम्ही ईमानदारीने काम केलं आहे. देशात पुन्हा एकदा आम्हाला भगवा फडकावचा आहे. मी एका बापाची औलाद आहे. हे भाजपवाले काम करो की नाही करो...जे होणार ते आमचं नशीब. मी पण मतदार आहे. माझं नाव आग विझवणारा असं होणार आहे.

उद्धव ठाकरे यांना सांगूनच मी २० आमदारांना घेऊन गुवाहाटीला गेलो. गाडी रिव्हर्स घ्या, आपण चुकलोय असं मी ठाकरेंना सांगितलेलं. मात्र त्यांनी ऐकलं नाही, शिवसेना पक्षाच्या निर्णय चुकला असं देखील मी सांगितलं, असे देखील गुलाबराव पाटील म्हणाले.

गुलाबराव पाटलांच्या वक्तव्यामुळे भाजप कार्यकर्त्यांमध्ये देखील संभ्रम निर्माण झाला आहे. महायुतीत असताना गुलाबराव पाटलांची नेमकी भूमिका काय? असा प्रश्न कार्यकर्त्यांच्या मनात निर्माण झाला आहे.

राज्यात शिवसेना आणि राष्ट्रवादी कांग्रेमध्ये झालेल्या फुटीनंतर मोठा संघर्ष निर्माण झाला आहे. त्यामुळे लोकसभा २०२४ निवडणूक ही अस्तित्वाची लढाई देखील असणार आहे.  प्रत्येक राजकीय पक्षातील महत्त्वाकांक्षी कार्यकर्ते वेगवेगळ्या निवडणुकीसाठी उमेदवारीच्या रांगेत उभे आहेत. आज तिसऱ्या टप्यातील निवडणुकीच्या प्रचाराच्या तोफा थंडवणार आहेत. ७ तारखेला तिसऱ्या टप्प्यासाठी मतदान होणार आहे.