पाटणा : लोक जनशक्ती पक्षाचे (रामविलास) अध्यक्ष व खासदार चिराग पासवान यांनी लोकसभा निवडणुकीसाठी ४०-४० कोटी रुपये घेऊन उमेदवारी विकल्याचा आरोप करीत पक्षाच्या काही नेत्यांनी सदस्यत्वाचा राजीनामा दिला आहे. पासवान यांनी मात्र हा आरोप फेटाळून लावला आहे.

राजीनामा दिलेल्यामध्ये माजी मंत्री रेणू कुशवाह व माजी आमदार सतीशकुमार यांच्यासह डझनभर नेत्यांचा समावेश आहे. भाजपच्या नेतृत्वाखालील राष्ट्रीय लोकशाही आघाडीत (एनडीए) चिराग पासवान यांच्या पक्षाचा समावेश असून त्यांना लोकसभेच्या पाच जागा मिळाल्या आहेत.

यापैकी तीन जागांवर पक्षाच्या नेत्यांनी बोली लावली. असा आरोप होत आहे. मात्र, तिकीट देण्याची प्रक्रिया पूर्णपणे लोकशाही पद्धतीने झाली आहे, असे चिराग यांचे म्हणणे आहे.