भुवनेश्‍वर : निवडणुकीत यंदा प्रथमच मतदान करणाऱ्या तरुणांवर राजकीय पक्षांनी लक्ष केंद्रित केले आहे. नवमतदारांमध्ये जनजागृती करण्यासाठी ओडिशातील उच्च शैक्षणिक संस्थांच्या परिसरात वेगवेगळे उपक्रम घेतले जात आहेत.

प्रथमच मतदान करणारे युवक-युवती निवडणुकीच्या निकालावर परिणाम करणारी एक महत्त्वाचा घटक ठरू शकतो, ही जाणीव असल्याने राजकीय पक्षांनी त्यांच्यापर्यंत पोहोचण्यासाठी महाविद्यालये आणि विद्यापीठांकडे मोर्चा वळविला आहे. काही पक्ष शिक्षण आणि रोजगारासारख्या तरुणांना प्रभावित करणाऱ्या मुद्द्यांवर २०१९ पासून चर्चा करीत आहे. त्याचवेळी राज्य आणि देशातील लोकशाही बळकट करण्यासाठी नवमतदारांचा सहभाग वाढविण्यासाठीही प्रयत्न केला जात आहेत. बिजू जनता दल (बीजेडी), भाजप आणि काँग्रेस या पक्षांनी त्यांच्या विद्यार्थी शाखांकडे रोजगाराची जबाबदारी दिली आहे.

राज्यातील स्थिती

• ३.३४ कोटी

एकूण मतदार

• ७.६६ लाख

नवमतदार

(१८ ते १९ वर्षे वयोगट)

• ५.४५ लाख

२०१९मधील नवमतदारांची संख्या

• २.३९

नवमतदारांची टक्केवारी