इन्फोसिसच्या अध्यक्षा सुधा मूर्ती या काही दिवसांपूर्वी कोल्हापूर, सांगली इथे आल्या होत्या. यावेळी त्यांनी कुरुंदवाडमधील त्यांच्या घराची पाहणी केली. तसंच सुधा मूर्ती यांनी शिवप्रतिष्ठान हिंदुस्थानचे संभाजी भिडे यांचीही सांगलीत एका कार्यक्रमात भेट घेतली. तिथे सुधा मुर्ती या भिडे गुरुजींच्या पायाही पडल्या. याआधीच काही दिवसांपूर्वी टिकलीबाबत केलेल्या वक्तव्यामुळे भिडे गुरुजी चर्चेत आले होते.

हेही वाचाः कोणाचे हिंदुत्व शाश्वत...बापुंचे की संघाचे?

दरम्यान, संभाजी भिडे यांच्या पाया पडल्याचा सुधा मूर्तींचा व्हिडीओ सोशल मीडियावर चांगलाच व्हायरल झाला. यावेळी दोघांची चार ते पाच मिनिटं चर्चा देखील झाली होती. सुधा मूर्ती यावेळी मराठमोळ्या पेहरावात दिसल्या. याच घटनेवरून त्या चांगल्याच चर्चेत आल्या. सोशल मिडियावर सुधा मूर्ती यांना ट्रोल करण्यात आलं होतं.

याबाबत प्रतिक्रिया देताना सुधा मूर्ती म्हणाल्या की, मी त्यांना ओळखतही नाही. जेष्ठ व्यक्ति असल्यामुळे मी त्यांना नमस्कार केला असं त्या म्हणाल्या आहेत. सुधा मुर्ती या भिडे गुरुजींच्या पाया पडल्यामुळे जास्तच चर्चेत आल्या होत्या.