नवी दिल्ली : पुण्यश्लोक अहिल्यादेवी होळकर यांचा आज स्मृतीदिन आहे. या निमित्त राज्य सरकारनं मोठी घोषणा केली आहे. त्यानुसार भारतात पहिलं आंतरराष्ट्रीय दर्जाचं 'अहिल्या भवन' उभारण्यात येणार आहे. मंत्री मंगल प्रभात लोढा यांनी याबाबत घोषणा केली आहे.

कुठे उभारणार स्मारक?

मानखुर्द इथं जिल्हा नियोजन समिती निधीच्या माध्यमातून अहिल्या भवन उभारण्यात येणार आहे. त्यासाठी ४७ कोटी इतका खर्च अपेक्षित आहे. तसंच ३५,५०० स्क्वेअर मीटर इतक्या परिसरात हे भवन उभारलं जाणार आहे. या भवनात मुंबई उपनगरातील महिला आणि बालविकास विभागाचे विविध कार्यालयं एकाच छताखाली येणार आहेत.

स्मारक संकुलाची वैशिष्ट्ये काय?

1. संकुलात अहिल्याबाई होळकरांचा पूर्णाकृती पुतळा दर्शनी भाग उभारणार

2. महिलांसाठी समुपदेशन केंद्र असणार आहे.

3. 200 जणांची क्षमता असलेलं ऑडिटोरियम

4. महिला आयोग व बालहक्क आयोगाचं कार्यालय असणार

5. बालविकास प्रकल्प अधिकाऱ्यांची एकूण २० कार्यालये

6. बालकल्याण समिती, बाल न्याय मंडळ, महिला आर्थिक विकास महामंडळाचं कार्यालयही असणार