अजित पवार बारामती दौऱ्यावर आहेत. यावेळी त्यांनी बारामतीतील विविध विकास कामांची पाहणी केली. दरम्यान, माध्यमांशी बोलताना त्यांचा गोंधळ उडाला असल्याचे पाहायला मिळाले. सवयीप्रमाणे अजित पवार यांनी स्वतःचा उल्लेख आज मी राज्याचा उपमुख्यमंत्री असा केला. मात्र, ताक्ताळ त्या शब्दत दुरूस्त करत त्यांनी 'विरोधी पक्षनेता' असा उल्लेख केला.(ajit pawar got confused by referring to himself as the deputy cm)

महाराष्ट्रातील महाविकास आघाडी सरकार कोसळलं आणि शिंदे-फडणवीस यांचं सरकार येऊन आता एक महिन्यापेक्षा जास्त काळ उलटून गेला आहे. महाविकास आघाडीमध्ये अजित पवार यांच्या उपमुख्यमंत्रीपद होतं. सध्या विरोधी पक्षनेतेपदाची जबाबदारी अजित पवार यांच्याकडे आहेत.

नेमकं घडलं काय?

दौऱ्यादरम्यान, अजित पवार यांना परमबीर सिंह वसुली प्रकरणात निलंबित डीसीपी पराग मनेरे यांचं निलंबन रद्द करुन त्यांना पुन्हा सेवेत घेतल्याबाबतचा प्रश्न विचारण्यात आला. यावरच उत्तर देताना अजित पवार म्हणाले की, "मला त्यासंदर्भात काही माहिती नाही. मी कालपासून दौऱ्यावर आहे. मी तिथे गेल्यानंतर त्याची माहिती घेईन. आज मी राज्याचा उप..असे उपमुख्यमंत्री म्हणता म्हणता थांबले अन् विरोधी पक्षनेता म्हणून तुमच्याशी बोलतो. त्यामुळे मी पूर्ण माहिती घेऊन त्याआधारे स्टेटमेंट करेन. मी गेल्यानंतर सोमवारी त्याबद्दल माहिती घेईन." असे वक्तव्य केलं.