गुजरातमध्ये (Gujrat) बँकिंग क्षेत्रात खळबळ उडवून देणारा सर्वात मोठा घोटाळा उघडकीस आला. एबीजी (ABG) शिपयार्ड या कंपनीने देशातील २८ बँकांची फसवणूक करत तब्बल २२ हजार ८४२ कोटींचा गंड्डा लावलाय. या प्रकरणी उपमुख्यमंत्री अजित पवार (Ajit Pawar) यांनी प्रतिक्रिया दिली.

अजित पवार म्हणाले, “बँकांना काही हजार कोटींना चुना लावण्याचे प्रकरण गाजतंय. गेल्या काही वर्षात साडेपाच लाख कोटी बुडवले गेले. काही मुठभर लोक त्याचा गैरफायदा घेते आणि कष्टकरी जनता मात्र पै पै जमा करून कर्ज भरते. हा विरोधाभास दिसतो. सामान्य लोकांना कर्ज देताना जसं जमीन घेता, पेपर घेता, तसं मोठ्या लोकांचे जमीन घेत नाही का?” असा प्रश्न त्यांनी उपस्थित केला. सोबत जेवढे कर्ज असेल तर तेवढे जमीन घ्यायला हवी, असे ही ते म्हणाले.