मुंबई : सर्वोच्च न्यायालयात मराठा आणि ओबीसी आरक्षणावर जुलै महिन्यात महत्वाची सुनावणी आहे. त्यातच सगेसोयरे अध्यादेशाच्या विरोधात आणि बाजूने अशा आतापर्यंत एकूण आठ लाख हरकती राज्य सरकारकडे आल्या आहेत.

या पार्श्वभूमीवर आज बोलण्यात आलेली सर्वपक्षीय बैठक मुसळधार पावसामुळे पुढे ढकलण्यात येऊन नऊ जुलै रोजी सायंकाळी सहा वाजता ठेवण्यात आली आहे. या सर्वपक्षीय बैठकीला शरद पवार, उद्धव ठाकरे, राज ठाकरे, प्रकाश आंबेडकर यांच्यासह प्रमुख नेते मंडळींना उपस्थित राहण्याचे निमंत्रण सरकारने दिले आहे.

याबाबत शासनाने आदेश काढताना सोमवारी (ता. ८) आयोजित केलेली आरक्षण विषयक सर्वपक्षीय बैठक ही पुढे ढकलण्यात आलेली असून तिची सुधारित वेळ आता मंगळवारी (ता.नऊ) सायंकाळी ६:३० वाजता सह्याद्री अतिथीगृह, मलबार हिल, मुंबई येथे आयोजित केलेली आहे.