Uddhav Thackeray Latest News: राज्याचे माजी मुख्यमंत्री तथा ठाकरे गटाचे नेते उद्धव ठाकरे यांच्यावर मुंबईतल्या रिलायन्स हरकिशन दास रुग्णालयात अँजिओप्लास्टी करण्यात आलेली आहे. मागच्या दोन-तीन दिवसांपासून त्यांना त्रास जाणवू लागल्याने त्यांना सोमवारी रुग्णालयात दाखल करण्यात आलेलं होतं.

मंगळवारी सकाळी ८ वाजल्यापासून उद्धव ठाकरे हे गिरगाव येथील रिलायन्स हरकिशन दास रुग्णालयात दाखल झाले आहेत. डॉक्टरांनी अँजिओग्राफी केल्यानंतर हृदयाला रक्तपुरवठा करणाऱ्या वाहिन्यांमध्ये ब्लॉकेजेस आढळून आले.

त्यानंतर उद्धव ठाकरेंवर अँजिओप्लास्टी करण्याचा निर्णय घेण्यात आला. आता डॉक्टरांनी त्यांना विश्रांतीचा सल्ला दिला आहे. यापूर्वी २०१२ मध्ये ठाकरेंवर अँजिओप्लास्टी झाली होती. त्यानंतर तब्बल १२ वर्षांनंतर पुन्हा त्यांच्यावर अँजिओप्लास्टी करण्यात आलेली आहे.