पुणे - केंद्रीय पुरातत्त्व विभागाने ऐनवेळी हेलीकॉप्टर लॅडींगची परवानगी देऊन उद्धव ठाकरेंची शिवनेरी दौऱ्याची कोंडी केली आहे. तिथीनुसारच्या शिवजयंतीला शिवसेना पक्षप्रमुख शिवनेरीवर नतमस्तक होण्यासाठी आज येणार होते. यासाठी खासदार अमोल कोल्हे यांनी जिल्हा प्रशासनाकडे आणि केंद्रिय पुरातत्व विभागाकडे परवानगी मागितली होती.

मात्र ही परवानगी बुधवारी (ता.27) रात्री उशिरा दिल्लीतून देण्यात आली आहे. परवानगी उशिरा मिळाल्याने शिवसेना आणि महाविकास आघाडीची कोणतीही तयारी दिवसभरात झाली नव्हती. यामुळे उशिरा परवानगी देऊन पुरातत्व विभागाने ठाकरे यांची कोंडी केली आहे.

हेलीकॉप्टर लॅडींगच्या परवानगीबाबत शिवसेना पक्षश्रेष्ठींना बुधवारी रात्री उशिरापर्यंत कल्पना नव्हती. तर परवानगी देताना उद्धव ठाकरे यांचा नामोल्लेख पत्रात नव्हता. यामुळे आश्चर्यव्यक्त केले जात आहे .परवानगीची प्रत 'सकाळ'च्या हाती आली आहे.

हेलीपॅड तयार

उद्धव ठाकरे यांच्या दौऱ्याच्या शक्यतेने सार्वजनिक बांधकाम विभागाने शिवनेरी वर हेलीपॅड देखील सज्ज करून ठेवले आहे. मात्र परवानगी उशिराने मिऴाल्याने दौरा अधांतरी झाला आहे