Bhandara–Gondiya election Result news: भंडारा-गोंदिया लोकसभा मतदारसंघामध्ये भाजपने पुन्हा एकदा सुनील बाबुराव मेंढे यांना संधी दिली होती, तर काँग्रेसने प्रशांत पडोळे या नव्या चेहऱ्याला मैदानात उतरवले. या मतदारसंघात पडोळेंनी सुनील मेंढेंचा पराभाव केला आहे.
भंडारा-गोंदिया जिल्हा दोन नेत्यांसाठी ओळखला जातो. राष्ट्रवादी काँग्रेस अजित पवार गटाचे प्रफुल्ल पटेल हे एकेकाळी याच मतदारसंघातून खासदार राहिले आहेत. दुसरीकडे, काँग्रेसचे प्रदेशाध्यक्ष नाना पटोले यांचा हा जिल्हा आहे. त्यामुळे या मतदारसंघामध्ये कोण भारी पडतं हे पाहणं महत्त्वाचं ठरलं होतं..
उमेदवाराचे नाव ---------मिळालेली मतं------- मताधिक्य
१. डॉ. प्रशांत पडोळे (काँग्रेस)- ५८७४१३ --- ३७३८०
२. सुनील मेंढे (भाजप )- ५५००३३
सुनील मेंढे यांना उमेदवारी मिळण्यास थोडा उशीर झाला, त्यांच्या कामाबाबत लोकांमध्ये काहीशी नाराजी असल्याची चर्चा होती. पण, भाजप नेतृत्त्वाने त्यांच्यावर पुन्हा विश्वास दाखवला होता. दुसरीकडे, प्रशांत पडोळे हे काहीसे नवखे उमेदवार होते. त्यांच्या प्रचाराची धुरा नाना पटोले यांनीच सांभाळल्याचं दिसलं. पटोलेंनी गावोगावी जाऊन पडोलेंचा प्रचार केल्याचं पाहायला मिळालं होतं.
भंडारा-गोंदिया मतदारसंघाचा जन्म झाल्यानंतर याठिकाणी २००९ च्या पहिल्या निवडणुकीमध्ये राष्ट्रवादीच्या प्रफुल्ल पटेल यांचा विजय झाला होता. त्यावेळी केंद्रात यूपीए-२ सरकार होते. २०१४ मध्ये भाजपने नाना पटोले यांना मैदानात उतरवले होते. नाना या ठिकाणी विजयी झाले होते. त्यानंतर २०१८ मध्ये काही कारणास्तव नाना पटोलेंनी काँग्रेसमध्ये प्रवेश केला. २०१९ च्या पोटनिवडणुकीत राष्ट्रवादी काँग्रेसच्या मधुकर कुकडे यांचा विजय झाला. त्यानंतर २०१९ च्या लोकसभा निवडणुकीत ही जागा पुन्हा भाजपकडे आली. याठिकाणी सुनील मेंढे खासदार झाले.
- नाना पटोले यांनी चांगला जोर लावला होता
- प्रशांत पटोले नवखे उमेदवार
- सुनील मेंढे यांच्याबाबत काही प्रमाणात नाराजी
- ओबीसी आरक्षणाचा मुद्दा महत्त्वाचा
- रखडलेला भेल प्रकल्प
२०१९ च्या लोकसभा निवडणुकीमध्ये मेंढे यांना ६,५०,२४३ (५२.२३ टक्के) मतं मिळाली होती, तर एनसीपीच्या पंचबुद्धे नाना जयराम यांना ४,५२,८४९ (३६.३८ टक्के) मतं मिळाली होती. २०१४ च्या लोकसभा निवडणुकीत त्यावेळी भाजपमध्ये असलेल्या नाना पटोले यांनी राष्ट्रवादी काँग्रेसच्या प्रफुल्ल पटेल यांचा जवळपास दीड लाख मतांनी पराभव केला होता. २०२४ च्या लढतीमध्ये कोण बाजी मारतं याकडे सगळ्यांचं लक्ष लागलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.