गेल्या काही दिवसांमध्ये सोलापूर जिल्ह्याच्या राजकारणात मोठ्या घडामोडी घडत आहेत. भाजप आणि राष्ट्रवादी यांच्यासह तेलंगणाचे मुख्यमंत्री के. चंद्रशेखर राव यांचा भरत राष्ट्र समिती हा पक्ष देखील आपले वर्चस्व निर्माण करू पाहत आहे. आपले पक्ष तळगाळापर्यंत पोहचवण्यासाठी पक्षातील नेते प्रयत्न करत आहेत. अशातच सोलपूर जिल्ह्यात भाजपला मोठा धक्का बसला आहे. (Latest Marathi News)

दक्षिण सोलापूर तालुक्यातील भाजपच्या शेकडो कार्यकर्त्यांनी शिवसेनेच्या ठाकरे गटामध्ये प्रवेश केला आहे. गेल्या वर्षी शिवसेनेत बंड झाल्यामुळे शिवसेनेमध्ये दोन गट पडले होते. शिवसेनेतील अनेक आमदार एकनाथ शिंदे यांच्यासोबत गेले होते तर ठाकरे गटाकडून आता पुन्हा नव्याने पक्षबांधणीचं काम हाती घेण्यात आलं आहे.(Latest Marathi News)

दक्षिण सोलापूर तालुक्यातील ग्रामपंचायत सदस्यांसोबत शेकडो कार्यकर्त्यांनी ठाकरे गटात प्रवेश केला आहे. ठाकरे गटाचे जिल्हाप्रमुख अमर पाटील यांच्या उपस्थितीत भाजपच्या शेकडो कार्यकर्त्यांनी शिवसेना ठाकरे गटात प्रवेश केला आहे. शिवसेना ठाकरे गटाच्या कार्यकर्त्यांनी प्रवेशाच्या वेळी जोरदार घोषणाबाजी देखील केली आहे.(Latest Marathi News)

आगमी लोकसभा, जिल्हा परिषद, ग्रामपंचायत निवडणुकीच्या पार्श्वभूमीवर ठाकरे गटाने पक्ष बांधणी सुरू केलीय. दक्षिण तालुक्यातील मळकोटा येथील भाजप ग्रामपंचायत सदस्यांसह शेकडो कार्यकर्त्यांनी ठाकरे गटात प्रवेश केला. त्यामुळे दक्षिण सोलापूर तालुक्यात भाजपला मोठा धक्का बसण्याची शक्यता आहे. आगामी निवडणुकांच्या पार्श्वभूमीवर ठाकरे गटाने हालचाली सुरू केल्या आहे.(Latest Marathi News)