राज्यात महाविकास आघाडी सरकारची दोन वर्षे पूर्ण होत आहेत. यावर राज्यभरात विविध प्रतिक्रिया उमटत आहेत. महाविकास आघाडी सरकारच्या दोन वर्षपूर्तीवर मुख्यमंत्री उद्धव ठाकरे आणि उपमुख्यमंत्री अजित पवार यांनी जनतेचे आभार मानले आहेत.

आकडेवारीच्या समीकरणातून राज्य सरकार सत्तेत आल्यापासून विविध कामांचा पाढा सरकारच्या वतीने काही मंत्र्यांनी वाचून दाखवला. तर विरोधकांनी सरकारच्या कमतरतेवर बोट ठेवलं. ठाकरे सरकार राज्यात आल्यापासून कोरोना काळात बराच वेळ गेला. सुरुवातीच्या काळात आरोग्य यंत्रणा ही सरकारच्या प्राधान्यक्रमावर होती.

आता दोन वर्षपूर्ती होत असताना सरकारमध्ये काही बदल होण्याची शक्यताही वर्तवण्यात आली आहे. काँग्रेसकडून एखाद्या नव्या मंत्र्याला स्थान मिळण्याची शक्यता आहे. मात्र, या दोन वर्षपूर्तीत विरोधकांनी विविध मुद्द्यांवर सरकारला घेरण्याचा प्रयत्न केला. दोन मंत्र्याचे राजीनामे घ्यावे लागले. काही मंत्री अडचणीच्या भोवऱ्यात आहेत.

भाजपच्या गोटातून राज्य सरकारवर सतत टीका होत आहे. भाजपचे प्रवक्ते अतुल भातखळकर यांनीही टीका केलीय. त्यांनी विविध मुद्द्यांवरून महाविकास आघाडीवर निशाणा साधला. यासंदर्भात त्यांनी ट्वीट केलंय.