मुंबई: राज्यात सध्या कोरोनाचं (Corona) सावट गडद झालं आहे. त्या पार्श्वभूमीवर आता राज्यातील नियम कडक करण्यात आले आहेत. एकीकडे ओमिक्रॉन (Omicron) या व्हेरियंटचा धोका आहे तर दुसरीकडे थर्टी फर्स्टमुळे लोकांची गर्दी होण्याची शक्यता आहे. त्यामुळे राज्यातील निर्बंध सध्या वाढवण्यात आले आहेत. दुसरीकडे आणखी एक चिंतेची बाब म्हणजे राज्यातील अनेक नेते सध्या कोरोना पॉझिटीव्ह आढळून येत आहेत. कालच राधाकृष्ण विखे पाटील, हर्षवर्धन पाटील, सुप्रिया सुळे असे अनेक नेते कोरोना संक्रमित आढळले आहेत. त्याच नेत्यांच्या यादीत आता आणखी एका नेत्याची भर पडली आहे.
राज्याच्या महिला आणि बालविकास मंत्री यशोमती ठाकूर यांना कोरोनाची लागण झाली आहे. याबाबत माहिती देताना त्यांनी ट्विट करत म्हटलंय की, माझी कोरोना चाचणी पॉझिटिव्ह आलेली आहे. मला कोणतेही लक्षणे नाही, तरीही डॉक्टरांच्या सल्ल्याने मी पुढील उपचार घेणार आहे. माझ्या संपर्कात आलेल्यांनी आपली कोरोना चाचणी करून घ्यावी. सगळ्यांना या निमित्ताने आवाहन करत आहे, आपण मास्क वापरावा, काळजी घ्यावी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.