चिपळूण: "मी कुठलाही गुन्हा केलेला नाही, कोण सुधाकर बडगुजर (sudhakar badgujar) मी ओळखत नाही?, अटक करणार म्हणून चालवताय सामान्य माणूस वाटलो का तुम्हाला? तुम्ही माझी बदनामी केली तर त्याधी माझा गुन्हा तुमच्याविरोधात दाखल होईल" असा इशारा केंद्रीय मंत्री नारायण राणेंनी (narayan rane )माध्यमांना दिला.

नाशिकमध्ये भाजपाचे कार्यालय फोडण्यात आले. राज्यात अन्यत्र भाजपा कार्यालयावर हल्ले होतायत. त्या संदर्भात विचारलेल्या प्रश्नावर नारायण राणे म्हणाले की, "मी तुमच्या सांगण्यावर विश्वास ठेवणार नाही. दोन-चार दगड मारण्यात कसला पुरुषार्थ आलाय?" "जे काय करतायत ते करु दे, आम्ही पाहून घेऊ समर्थ आहोत. ज्या वेळी उद्धव ठाकरे थोबडा फोडा म्हणतो, तो गुन्हा नाही का? ते दिवस-रात्र का नाही दाखवत?" असा सवाल राणेंनी केला.

उद्धव ठाकरेंबद्दल केलेल्या आक्षेपार्ह विधानावर ते म्हणाले की, "त्यावेळी मी असतो तर, असं म्हणालो हा गुन्हा होत नाही. मी कानफाटात मारीन हा गुन्हा आहे. वकिलांना विचारा जरा, चेष्टा लावलीय काय?" "मी शिवसैनिकांना भीख घालत नाही. समोर उभं तरी रहावं. पत्र, नोटीस आणि आदेश यात फरक असतो, नाशिकच्या पोलीस आयुक्तांनी आदेश काढला, तो राष्ट्रपती आहे की, पंतप्रधान" असा सवाल नारायण राणेंनी केला.