डॉ. बाबासाहेब आंबेडकर यांच्या महापरिनिर्वाण दिनानिमित्त (Mahaparinirvan Din) आज मुंबईतील चैत्यभूमीवर (Chaitya Bhoomi) डॉ. बाबासाहेब आंबेडकर (Dr. Babasaheb Ambedkar) यांच्या अनुयायांनी बाबासाहेबांना अभिवादन करण्यासाठी गर्दी केली. मात्र ओमिक्रॉन संसर्गाच्या पार्श्वभूमिवर पोलिसांनी जास्त लोकांना गर्दी केल्यास मनाई केली. यावेळी संतप्त अनुयायांमध्ये आणि पोलिसांमध्ये संघर्ष झाला असून, काही काळ वाद निर्माण झाल्याचं समजतं आहे. त्यानंतर आता परिस्थिती नियंत्रणात आली असून, परिसरात तणावपुर्ण शांतता निर्माण झाली आहे.

डॉ. बाबासाहेब आंबेडकर यांचा महापरिनिर्वाण दिन. त्यानिमित्त मुंबईतील चैत्यभूमीवर (Chaitya Bhoomi) मोठ्या प्रमाणावर भीम सैनिक एकत्र येत असतात. यामध्ये डॉ. बाबासाहेब आंबेडकर यांच्या विचारांना मानणाऱ्या राज्यासह देशभरातील लोकांचा समावेश असतो. यावेळी ओमिक्रॉनच्या पार्श्वभूमीवर जास्त गर्दी न करण्याचं आणि कोरोना प्रतिबंधक नियमांचं पालन करण्याचं आवाहन मुंबई महानगर पालिकेने केलं होतं. त्याच पार्श्वभूमीवर पोलिसांनी अनुयायांमध्ये तणाव निर्माण झाला. यावेळी पोलीस आणि अनुयायी यांच्यात काही काळ झटापट देखील झाली.

महापरिनिर्वाण दिनाच्या पार्श्वभूमीवर मुंबई मनपाकडून दरवर्षी चैत्यभूमीवर व्यवस्था करण्यात येत असते. मात्र यंदा काही व्यवस्था करण्यात न आल्याचा आरोप अनुयायांकडून केला जातो आहे. त्यामुळे देखील त्यांच्या नाराजी निर्माण झाली आहे.