संभाजीराजे (Sambhaji Raje) छत्रपती किंवा उदयनराजे भोसले असे छत्रपती शिवाजी महाराज आणि शाहूराजेंची वारसा, परंपरा असणाऱ्या कुणालातरी मराठा आरक्षणाचे नेतृत्व करण्यासाठी मैदानात उतरावं लागेल, असे मत भाजपाचे प्रदेशाध्यक्ष चंद्रकांत पाटील (Chandrakant Patil) यांनी व्यक्त केलं आहे. ते आज पुण्यात बोलत होते. यावेळी त्यांनी मराठा आरक्षणासंदर्भात (Maratha Reservation) प्रतिक्रिया देताना त्यांनी महाविकास आघाडी सरकारवर निशाणा साधला.

ते म्हणाले, राज्य सरकारने सारथीची वाट लावली. अण्णासाहेब पाटील महामंडळाची आजची स्थिती सर्वांना माहिती आहे. राज्यातील बरीच हॉस्टेल बंद आहेत. जे ओबीसीला ते मराठ्यांना हे देवेंद्र फडणवीस यांनी सुरु केलं होतं, मात्र आता सगळं बंद झालं आहे. फडणवीस (Devendra Fadnavis) यांच्या सरकरामध्ये सारथीअंतर्गत कर्ज योजना सुरु होत्या. निम्मी फी भरली जातं होती. मात्र आता हे सर्व ठप्प झालं आहे. मराठा आरक्षणासाठी भारतीय जनता पार्टीने सुरुवातीपासून पाठिंबा दिला आहे. यापुढेही संभाजीराजे यांच्या नेतृत्वाला भाजपा (BJP) पाठींबा देणार असल्याचं त्यांनी स्पष्ट केलं आहे.

संजय राऊत (Sanjay Raut) यांच्या आजच्या पत्रकार परिषदेविषयी ते म्हणाले, संजय राऊत यांनी बोलण महाराष्ट्राला नवीन नाही. काय आरोप करतील हेच माहिती नाही. ते मुंबई आणि महाराष्ट्र स्वत:चा म्हणतात. त्यामुळे ते बोलतील तेव्हा पाहूया. देशात प्रत्येकाला बोलण्याचं स्वातंत्र्य आहे. सर्वसामान्य माणसांवर त्यांनी अधिकार केव्हापासून गाजवायला सुरुवात केली हे माहिती नाही.परंतु असे वातावरण निर्माण करायची त्यांना सवय आहे. त्यांनी पत्रकार परिषद घेतल्यानंतर काही वेगळ असेल तर मी प्रतिक्रिया देईन असेही त्यांनी स्पष्ट केलं आहे.