काही दिवसांपुर्वीच भगतसिंग कोश्यारी यांनी शिवाजी महाराज हे जुन्या काळाचे आदर्श आहेत . असं वादग्रस्त विधान राज्यपाल भगतसिंग कोश्यारी यांनी केलं होतं. त्यांच्या वक्तव्यानंतर राज्यात संतापाची लाट उसळली. तर राज्यापालांना राज्याबाहेर हाकलून दिलं पाहिजे. अशी मागणी करण्यात आली. दरम्यान, भाजप नेते चंद्रशेखर बावनकुळे यांनी राज्यापालांच्या वक्तव्याचे समर्थन केलं आहे. राज्यापाल कोश्यारी यांनी शिवरायांच्या प्रतिमेला धक्का बसेल असे कोणतेही वक्तव्य केले नसल्याचे म्हटलं आहे.

राज्यपालांच्या या वक्तव्यानंतर संभाजीराजे, उदयनराजे भोसले, संजय राऊत यांनी संतप्त प्रतिक्रिया दिली होती. ज्यांना छत्रपती शिवाजी महाराजांविषयी आदर नाही ,त्यांना राज्याबाहेर हाकलुन दिले पाहिजे, असं म्हणत त्यांनी संताप व्यक्त केला होता .

आता भाजपाचे प्रदेशाध्यक्ष चंद्रशेखर बावनकुळे यांनी राज्यापालांच्या वक्तव्याबाबत स्पष्टीकरण दिले आहे. ते म्हणाले की, "कोण म्हणतं राज्यपालांनी शिवरायांचा अपमान केला. राज्यपाल भगतसिंह कोश्यारी यांनी छत्रपती शिवाजी महाराजांच्या प्रतिमेला धक्का बसेल, असं कोणतही वक्तव्य केलं नाही, कारण भाजपचा प्रत्येक कार्यकर्ता शिवरायांच्या आदेशापासून प्रेरणा घेऊन काम करतो" तर ते पुढे म्हणाले,

"राज्यपाल ज्या दिवसापासून महाराष्ट्रात आले, त्या दिवसापासून छत्रपती शिवाजी महाराजांविषयी जे विषय आले आहेत, ते राज्यपालांनी संवेदनशीलपणे हाताळले आहेत . शिवनेरी गडावरही राज्यपाल जाऊन आले आहेत. राज्यपालांनी कधीही शिवरायांच्या प्रतिमेला धक्का पोहचवण्याचा प्रयत्न केला नाही, करु शकत नाहीत" असं बावनकुळेंनी म्हटलं आहे .