मुंबई : ओबीसी आरक्षणासंदर्भातील महाविकासआघाडीची बैठक आज मुख्यमंत्र्यांच्या बंगल्यावर पार पडली आहे. त्यानंतर इम्पिरिकल डाटा गोळा करण्याचं काम अजून पूर्ण झालं नाही असं राष्ट्रवादीचे नेते छगन भुजबळ यांनी सांगितलं आहे. कुठल्याही परिस्थिती ओबीसीवर अन्याय होता कामा नये असं आम्ही सांगितलं आहे असं ते म्हणाले.

(Chhagan Bhujbal On OBC Reservation And Empirical Data)

"दरम्यान आडनावावरून ओबीसीच्या इम्पेरिकल डेटा गोळा करण्यास अडचणी येत आहेत. ही गफलत आम्ही त्यांची लक्षात आणून दिली आहे. पण इम्पिरिकल डाटा गोळा करण्यासाठीचे सर्वेक्षण थांबवण्यात येणार नाही." असं त्यांनी सांगितलं आहे.

इम्पिरिकल डाटा गोळा करण्यासंदर्भातील सर्वेक्षणातील सर्व बाबी आम्ही मुख्यमंत्र्यांच्या लक्षात आणून दिल्या आहेत. आरक्षण न मिळाल्यास मध्यप्रदेशप्रमाणे जनगणना करावी लागणार आहे." असं मत छगन भुजबळ यांनी व्यक्त केलं आहे.

दरम्यान ओबीसी आरक्षणावरून महाराष्ट्रातील स्थानिक स्वराज्य संस्थांच्या निवडणुका थांबल्या असून ओबीसी आरक्षणासाठी लागणाऱ्या इम्पिरिकल डाटा गोळा करण्याचे काम चालू आहे. त्यासंदर्भातील महाविकास आघाडीची महत्त्वाची बैठक आज मुख्यमंत्र्यांच्या वर्षा बंगल्यावर पार पडली आहे. त्यामध्ये सर्वेक्षणातील गफलती मुख्यमंत्र्यांच्या लक्षात आणून दिल्याचं छगन भुजबळ यांनी सांगितलं आहे.