सांगोला विधानसभा मतदारसंघाचे आमदार शहाजीबापू पाटील यांच्यावर शस्त्रक्रिया करण्यात आली आहे. आज राज्याचे मुख्यमंत्री एकनाथ शिंदे यांनी ब्रीच कॅण्डी रुग्णालयात जाऊन शहाजीबापू पाटील यांची चौकशी केली. नुकतीच शहाजीबापू यांच्या गुडघ्यावर शस्त्रक्रिया पार पडली होती.

आमदार शहाजीबापू पाटील यांच्या गुडघ्यावरती शस्त्रक्रिया झाली तेव्हा मुख्यमंत्री आपल्या मुळ गावी दरे येथे होते. शहाजीबापूंवर यशस्वी शस्त्रक्रिया झाल्यानंतर त्यांनी फोनवरून चौकशी केली होती. त्यानंतर आज त्यांनी ब्रीच कॅण्डी रूग्णालयामध्ये जाऊन त्यांची भेट घेऊन विचारपुस केली.

त्याचबरोबर मुख्यमंत्री डॉक्टरांकडून आणि त्यांच्या नातेवाईकांकडून त्यांनी त्यांच्या प्रकृतीविषयी माहिती जाणून घेतली. तसेच त्यांनी लवकरात लवकर पूर्ण बरे होऊन पुन्हा एकदा जनसेवेसाठी कार्यरत व्हावे अशी अपेक्षा व्यक्त केली आहे.

शहाजीबापू पाटील यांनी शिवसेनेच्या बंडात मुख्यमंत्री एकनाथ शिंदे यांना खंबीर साथ दिली होती. त्या वेळी शिंदे यांच्या पाठीशी उभं राहण्याचे कामही शहाजी पाटील यांनी केले होते. त्यानंतर ते काय झाडी काय डोंगर या त्यांच्या वक्तव्यामुळे ते जोरदार चर्चेत आले होते.