मुंबई - मुख्यमंत्री एकनाथ शिंदे दिवाळीचं औचित्य साधून नक्षलग्रस्त गडचिरोलीच्या दौऱ्यावर आहेत. या दौऱ्यात त्यांनी सीमेची पाहणी केली. एकनाथ शिंदे यांनी नक्षलग्रस्त भागाची सीमेवर जावून पाहणी करणारे पहिले मुख्यमंत्री ठरले आहे. यावेळी एकनाथ शिंदे यांनी केलेलं विधान चर्चेचा विषय ठरला आहे. ( Eknath Shinde news in Marathi)

एकनाथ शिंदे म्हणाले की, जवान सध्या कर्तव्यावर आहेत. आपले जवान ज्या पद्धतीने काम करतात, त्यांच्यासाठी आम्ही दिवाळी साजरी कऱण्यासाठी आलो आहोत.

गडचिरोलीला आल्याबद्दल शिंदे म्हणाले की, मी कधीच कशाला घाबरत नाही. भीती असती तर आलोच नसतो. कुठल्याही परिस्थितीला तोंड देत आलोय, त्यामुळेच मी मुख्यमंत्रीपदापर्यंत पोहोचलो आहे. आपले जवान कोणत्या परिस्थितीत काम करतात हे पाहण्यासाठी मी आल्याचं शिंदे यांनी म्हटलं.

दरम्यान राज्य सरकार आणि गृहविभाग अतिशय चोखपणे काम करत आहेत. नक्षल्यांचा वावर या भागात आहे. जवानांनी कर्तबारी दाखवली म्हणून नक्षली चळवळ कमजोर झाल्याचंही शिंदे यांनी नमूद केलं.