मुंबईः राज्याचे मुख्यमंत्री एकनाथ शिंदे यांनी मराठा आरक्षणाबाबत रविवारी एक विधान केलेलं आहे. मराठा आरक्षणाचा काल घेतलेला निर्णय हा, ज्यांच्याकडे कुणबी नोंदी आहेत त्यांच्यासाठी घेतला गेलेला आहे. जे पारंपारिक आरक्षण देण्यात येणार आहे, त्यासाठी राज्य मागासवर्ग आयोग काम करतंय.. असं मुख्यमंत्र्यांनी स्पष्ट केलं.
राज्य सरकारने सगेसोयऱ्यांच्या बाबतीत काढलेली अधिसूचना आपल्याला मान्य नसून आपण सरकारच्या निर्णयाशी असहमत आहोत, असं विधान केंद्रीय मंत्री नारायण राणे यांनी केलं आहे. त्यावरुन मुख्यमंत्री एकनाथ शिंदे यांना प्रतिक्रिया विचारली असता त्यांनी मुद्दा स्पष्ट केला.
एकनाथ शिंदे म्हणाले की, नारायण राणे म्हणत आहेत ते पारंपारिक मराठा आरक्षण वेगळं आणि काल घेतलेला निर्णय वेगळा. कालचं नोटिफिकेशन हे कुणबी नोंदींच्या संदर्भाने आहे. ज्यांच्याकडे जुन्या नोंदी आहेत त्यांच्यासाठी कालचा निर्णय घेतलेला आहे.
मुख्यमंत्री पुढे म्हणाले, ब्लड रिलेशनमधल्या वंशावळीमधील लोकांसाठी सरकारने काल निर्णय घेतला आहे. मराठा समाजाला आरक्षण देण्याचा जो निर्णय होणार आहे, त्यासाठी राज्य मागासवर्ग आयोग काम करत आहे. चार लाख लोकं तीन शिफ्टमध्ये ३६ जिल्ह्यांत काम करताहेत. त्यामुळे विशेष अधिवेशन घेऊन तो निर्णय घेतला जाईल.
नारायण राणेंचं ट्वीट
मराठा समाज आरक्षणासंबंधी राज्य सरकारने घेतलेल्‍या निर्णयाशी आणि दिलेल्‍या आश्‍वासनाशी मी सहमत नाही. यामध्‍ये ऐतिहासिक परंपरा असलेल्‍या मराठा समाजाचे खच्‍चीकरण आणि इतर मागास समाजावर अतिक्रमण होणार असल्‍याने राज्यात असंतोष निर्माण होऊ शकतो. उद्या सोमवार दि. 29 जानेवारी रोजी मी यावर पत्रकार परिषद घेऊन सविस्‍तर बोलेन.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.