महाराष्ट्राच्या राजकारणात सध्या अजित पवार केंद्रबिंदू ठरत आहेत. ते भाजपमध्ये जाणार असल्याच्या वारंवार चर्चा होत आहेत आणि अजित पवार त्यावर वारंवार खुलासा देखील करत आहेत. सोमवारीही त्यांनी पुण्यातील सर्व कार्यक्रम रद्द केल्याची चर्चा होती. तसंच आज आमदारांची बैठक बोलावल्याचीही जोरदार चर्चा होत आहे. अशातच राष्ट्रवादी, भाजप यांच्यासोबत शिवसेनेच्याही प्रतिक्रिया समोर येत आहेत.

या संपूर्ण घडामोडीवर बोलताना कृषिमंत्री अब्दुल सत्तार म्हणाले कि, पुढचे पाच वर्षे मुख्यमंत्री म्हणून एकनाथ शिंदे हेच राहतील. मुख्यमंत्री एकनाथ शिंदे यांची आय काही भूमिका राहील तीच भूमिका आमची राहील. ते जो निर्णय घेतील तो आम्हाला मान्य आहे' असं अब्दुल सत्तार म्हणाले आहेत.

पुढे ते म्हणाले की, मुख्यमंत्री एकनाथ शिंदे 40 आमदारांचा विचार करूनच निर्णय घेतील अशी अपेक्षा त्यांनी यावेळी केली. तर 'मला त्यामध्ये कोणतीही तीळमात्र शंका वाटत नाही. एकनाथ शिंदे यांनी सामान्य लोकांच्या मनात जागा निर्माण केली आहे. यामुळे पुढच्या निवडणुकाही त्यांच्या अध्यक्षतेखाली होतील. तर पुढचे मुख्यमंत्री एकनाथ शिंदे हेच आसतील असा माझा विश्वास आहे, असं सत्तार यांनी म्हंटलं आहे.

अजित दादांमुळे शिंदे गट सत्तेतून बाहेर पडणार; संजय शिरसाटांचं मोठं विधान

अजित पवार राष्ट्रवादीपासून वेगळे होऊन आमच्यासोबत आले तर त्यांचं स्वागतच आहे. त्यांना आमच्यासोबत यायचं असेल तर आमची विचारसरणी मान्य करावी लागले. मात्र अजित पवार राष्ट्रवादी काँग्रेस पक्षासह भाजपसोबत गेले तर शिंदे गट अर्थात शिवसेना सत्तेतून बाहेर पडेल असंही शिरसाट यांनी नमूद केलं.

संजय शिरसाट म्हणाले की, अजित पवार हे त्यांचे पुत्र पार्थ पवार यांच्या लोकसभा निवडणुकीतील पराभवापासून नाराज आहेत. मात्र अजित पवार यांची नाराजी आणि आमची सर्वोच्च न्यायालयातील केसचा काहीही संबंध नाही, असा दावाही शिरसाट यांनी केला आहे.