मुंबई: माजी खासदार आणि भाजपा नेते किरीट सोमय्या (Kirit Somaiya) यांनी महाविकास आघाडीच्या नेत्यांविरोधात जोरदार आघाडी उघडली आहे. परिवहन मंत्री अनिल परब (anil parab) यांच्यावर त्यांनी काही गंभीर आरोप केले आहेत. किरीट सोमय्या सुरुवातीपासूनच सत्ताधाऱ्यांची भ्रष्टाचाराची विविध प्रकरण बाहेर काढण्यासाठी ओळखले जातात. आतापर्यंत त्यांनी अनेकदा सत्ताधारी पक्षाच्या नेत्यांवर आर्थिक अनियमिततेचे आरोप केले आहेत.

किरीट सोमय्या यांनी एक टि्वट केलं आहे. यामध्ये त्यांनी शिवसेना आमदार प्रताप सरनाईक, राष्ट्रवादीचे आमदार अनिल देशमुख आणि अनिल परब यांना लक्ष्य केलं आहे. प्रताप सरनाईक ED कडे गेले नाहीत, अनिल देशमुख ईडी कडे जात नाही आणि अनिल परब ED कडे जाणार नाहीत, असं म्हटलं आहे.

त्याच टि्वटवरुन काँग्रेस सरचिटणीस आणि प्रवक्ते सचिन सावंत यांनी त्यांना ट्रोल केलं आहे. किरीट सोमय्यांना ED, CBI च्या नावाने धमक्या द्यायची इतकी सवय झालीय की ते जवळच्यांनाही धमक्या देत असतील असे म्हटले आहे.