मुंबई- महालक्ष्मी जगदंबा संस्थान कोराडी या संस्थेला शासकीय भूखंड देण्यात आल्यामुळे वाद निर्माण झाला आहे. याप्रकरणी भाजपचे प्रदेशाध्यक्ष चंद्रशेखर बावनकुळे यांनी प्रतिक्रिया दिली आहे. नामांकित वृत्तपत्र आणि मीडियाने माहिती घेऊन बातम्या छापल्या पाहिजेत. माझं ते संस्थान नाही. मागे पण मी अध्यक्ष होतं. ते एक सामाजिक संस्थान आहे. धार्मीक स्थळ आहे, असं बावनकुळे म्हणाले आहेत.

नाना पटोले आई महालक्ष्मीचे दर्शन घेऊन फॉर्म भरतात. 1 कोटी 48 लाख संस्थानला भरायचे आहेत. कुणी कुणावर दबाव टाकू शकत नाही. 1 रुपयात विद्यार्थी तिथं शिकतात. काहीतरी दबावाचं राजकारण करू नये. देवस्थानावरून राजकारण करू नये, असं बावनकुळे म्हणाले आहेत.

एन्काऊंटरबाबत बावनकुळे काय म्हणाले?

कोर्टाला काय वाटलं याबाबत पोलीस उत्तर देतील. पोलिसांनी कृती केली पण विरोधकांनी राजकारण केलं. गुन्हेगारी वृत्तीला बळ देण्याचे काम विरोधक करत आहेत. राजकारण करून काय मिळवायचे आहे. राजकारणाचा स्थर खाली जातोय. कोर्टाला पोलीस अहवाल सादर करतील, असं ते म्हणाले.

शहांवरील टीकेला उत्तर

उद्धव ठाकरे हिंदुत्ववापासून दूर गेले आहेत. काँग्रेसच्या दारात त्यांना कटोरा घेऊन फिरावे लागत आहे. शरद पवार यांच्याकडेही मुख्यमंत्री होण्यासाठी कटोरा घेऊन जात आहेत. इतक्या लाचारीमुळे ठाकरेंना लोकं सोडून जात आहेत, अशी टीका त्यांनी केली.

भाजप आयराम संधी यावर भाष्य

अमित भाई आढावा घेत आहेत. पुढील 8 -10 दिवसांत मुंबईत दौरा होईल. पुन्हा नवीन ऊर्जा मिळेल. उद्धव ठाकरेंनी 15 योजना बंद केल्या होत्या. मविआचं एक चुकीचं बटण दाबलं तर सर्व योजना बंद होतील. अमित शहा जिंकण्याची उमेद असलेले नेते आहेत. काँग्रेस आणि जयंत पाटील यांना भीती असते. त्यांना घाबरगुंडी होते म्हणून झोप लागत नाही. जेवढे काही भूकंप व्हायचे होते ते होऊन गेले. त्याचे हादरे विरोधकांना लागतील, असं ते म्हणाले.