मुंबई : राज्यात दिवसभरात ६,१२६ नवे कोरोना रुग्ण आढळून आले. तर ७,४३६ रुग्ण बरे झाल्याने त्यांना डिस्चार्ज देण्यात आला आहे. राज्यात कोरोनाच्या प्रकरणांचा चढउतार अद्याप सुरुच असून ही आकडेवारी ६ ते ८ हजारांच्या दरम्यान वरखाली होत आहे. राज्याच्या आरोग्य विभागानं ही माहिती दिली.
आरोग्य विभागाच्या माहितीनुसार, गेल्या चोवीस तासात राज्यात ६,१२६ नवे कोरोना रुग्ण आढळून आले. तर ८,४३६ रुग्ण बरे झाल्याने त्यांना डिस्चार्ज देण्यात आला आहे. तर १९५ रुग्णांचा मृत्यू झाला आहे. राज्यात सध्या ७२,८१० सक्रीय रुग्ण आहेत. तर आत्तापर्यंत ६३,२७,१९४ लोक कोरोना पॉझिटिव्ह झाले आहेत.
मुंबईतील कोरोना आकडेवारी
मुंबई शहरात दिवसभरात ३६३ नवे रुग्ण आढळले. तर ४३८ रुग्ण बरे झाले आहेत. सध्या शहरात ४५३० सक्रिय रुग्ण आहेत. तर गेल्या चोवीस तासात ९ मृत्यू झाले आहेत. मृतांपैकी ७ जणांना दीर्घ स्वरुपाचे आजार होते. दरम्यान, मुंबई जिल्ह्यातील बरे झालेल्या रुग्णांचा दर ९७ टक्के आहे. तर कोरोना वाढीचा दर ०.०४ टक्के आहे. रुग्ण दुप्पटीचा दर १५९५ दिवसांवर पोहोचला आहे.
पुण्यातील कोरोना आकडेवारी
पुणे शहरात दिवसभरात २४९ नवे रुग्ण आढळून आले तर ६ रुग्णांचा मृत्यू झाला आहे. सध्या २,३४८ रुग्णांवर उपचार सुरु आहेत. तर २५० रुग्णांना डिस्चार्ज देण्यात आला आहे. दिवसभरात ८,३१२ कोरोना चाचण्या पार पडल्या. दरम्यान, शहरात आजवर ८,७९२ कोरोना रुग्ण मृत्यूमुखी पडले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.