शिवसेनेतून बंडखोरी करुन वेगळ सरकार स्थापन करणाऱ्या शिंदे गटामुळे राज्यातील राजकारणात अनेक घडामोडी सुरू झाल्या. शिंदे यांनी भाजपसोबत युतीत सरकार स्थापन केल्यानंतर राज्यातील इतर गट शिंदे गटाकडे जात आहेत. तर दुसरीकडे वंचित आघाडी आणि ठाकरे गटाची जवळीक वाढत असल्याचेही दिसून येत आहे. तर दुसरीकडे दलित पँथर आता शिंदे गटासोबत युती करणार असल्याच्या चर्चा राज्याच्या राजकारणात सुरू झाल्या होत्या. यासंदर्भात दलित पँथरने स्पष्टीकरण दिले आहे.

दलित पँथर शिंदे गटामध्ये सामील होण्याच्या चर्चेवर पँथरने स्पष्टीकरण देताना म्हंटलं आहे की, दलित पँथर शिंदे गटामध्ये सामील होण्याच्या बातम्या खोट्या आहेत असं स्पष्टीकरण दलित पँथरने दिले आहे. याबाबत दलित पँथर आज पत्रकार परिषद घेणार आहे. यावेळी ते याबाबत बोलण्याची शक्यता आहे.

उद्या (शुक्रवारी 25 नोव्हेंबर) रोजी कराडमध्ये दलित पँथरच्या राज्यकार्यकारिणीची बैठक होणार आहे. याच बैठकीत दलित पँथरकडून शिंदे गटासोबत युती होण्याची शक्यता असल्याच्या चर्चा राजकीय वर्तुळात रंगू लागल्या होत्या. दलित पँथरशी युती झाली तर शिंदे गट ठाकरे-आंबडेकरांच्या संभाव्य युतीला शह देणार असल्याचंही बोलले जात होत. मात्र दलित पँथरने शिंदे गटासोबत जाण्याच्या विचारात नसल्याचंही त्यांनी स्पष्ट केलं आहे.

हे ही वाचा: Elon Musk Takeover Twitter : ट्विटरची टिवटिव थांबणार का?