राष्ट्रवादी आमदार हसन मुश्रीफ यांच्या घरी ईडीने छापेमारी केली आहे. सकाळी साडेसहा वाजता अधिकारी मुश्रीफ यांच्या घरी पोहचले आहेत. हसन मुश्रीफ यांच्या कोल्हापूर कागलमधील घरावर ईडीचे छापे पडले. जवळपास २० अधिकारी मुश्रीफांच्या घरी पोहचले आहेत.

हसन मुश्रीफ यांच्यासह त्यांच्या मुलीच्या घरीही ईडीने छापेमारी केली आहे. हसन मुश्रीफ यांच्यासह त्यांच्या जवळच्या नातेवाईकांच्या घरावर आणि मुलीच्या घरावर ईडीने छापे मारल्याची माहिती समोर आली आहे. हसन मुश्रीफ यांच्या कन्या नाविदा मुश्रीफ यांच्या घरीही ईडीने छापेमारी केली आहे.

हे ही वाचा : या महामार्गामुळं खरंच येईल 'समृद्धी'?

नाविदा यांच्या पुण्यातील घरी ईडीच्या टीमने छापेमारी केली आहे. पुण्यातील कोंढवा परिसरात असणाऱ्या अशोका सोसायटीमध्ये ईडीने छापेमारी केली आहे. आज सकाळी 7.30 वाजल्यापासून ईडीचेअधिकारी या सोसायटीमध्ये दाखल झाले. ईडीच्या 5 अधिकाऱ्यांकडून चौकशी नाविदा यांची चौकशी करण्यात आली आहे.

हसन मुश्रीफ यांच्यावर करण्यात आलेले आरोप

हसन मुश्रीफ यांनी ग्रामविकास मंत्री असताना 1500 कोटी रुपयांचे कंत्राट त्यांच्या जावयाच्या बनावट कंपनीला दिले. मी याचे पुरावे दिल्यानंतर तत्कालीन मुख्यमंत्री उद्धव ठाकरे आणि शरद पवार यांनी मुश्रीफांना हे कंत्राट रद्द करण्यास सांगितले आहे. मुश्रीफ आणि त्यांच्या कुटुंबीयांनी अनेक बनावट कंपन्यांच्या माध्यमातून 158 कोटींचा आर्थिक गैरव्यवहार केला. 2019 मध्ये धाडी पडल्या होत्या. मंत्री असताना मुश्रीफ यांनी आणखी अफरातफर केली.