सोलापूरहून दिल्लीला निघालेल्या केके रेल्वे एक्स्प्रेसच्या इंजिनला आज सकाळी नऊच्या सुमारास आग लागली. चालकाला मागून येणारा धूर दिसू लागला. चालकाने प्रसंगावधान साधून गाडी जागेवर थांबवली आणि आग विझविण्यासाठी प्रयत्न केला. त्यात त्यांच्या हाताला व अंगाला भाजले आहे.
दरम्यान घटनेची माहिती मिळताच गावकरी देखील त्या ठिकाणी धावले, त्यांनी आग आटोक्यात आणण्यासाठी मदत केली. अग्नीशमन यंत्रणेद्वारे आग नियंत्रणात आणण्यासाठी प्रयत्न झाले. यावेळी सर्व प्रवाशांच्या चेहर्‍यावर चिंता आणि भीती होती.
मोहोळ- कूर्डूवाडी रेल्वे रूळावरील घाटणे परिसरात हा रेल्वे इंजिनने पेट घेतल्याचा प्रकार घडला. दरम्यान या घटनेत कोणताही जिवीतहानी झाली नसल्याची प्राथमिक माहीती आहे. या घटनेमुळे रेल्वेच्या वेळापत्रकामध्ये दोन ते तीन तासांचा बदल होण्याची शक्यता वर्तविण्यात आली आहे.
गाडी पुढील प्रवासासाठी रवाना
दरम्यान ही आग आटोक्यात आल्यावर दुसरे इंजिन बोलावून घेण्यात आले . आता 2 तासानंतर गाडी नवीन इंजिनसह दिल्लीकडे मार्गस्थ झाली आहे. चालक देखील बदलण्यात आला आहे. दरम्यान, शॉर्ट सर्किटमुळे आग लागल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.