Pune Solapur Highway: पुणे सोलापूर महामार्गावर लोणी काळभोर ग्रामपंचायत हद्दीतील राजेंद्र पेट्रोल पंपासमोरील रस्त्यावर सोलापूरच्या दिशेने निघालेली बोलेरो गाडीवरील चालकाचा ताबा सूटल्याने गाडी रस्त्याच्या दुभाजकावरून पुण्याच्या बाजूकडे जाणाऱ्या एका चारचाकी गाडीवर धडकली ही घटना रविवारी संध्याकाळी घडली.

या अपघातात तीन जण गंभीर जखमी झाले असून एकाची परिस्थिती गंभीर आहे.

मिळालेल्या माहितीनुसार, रविवारी संध्याकाळी सोलापूरच्या दिशेने बोलेरो या चारचाकी गाडीतून २ जण निघाले होते.

याचवेळी लोणी काळभोर ग्रामपंचायत हद्दीतील राजेंद्र पेट्रोल पंपाशेजारी चालकाचा गाडीवरील ताबा सुटल्याने गाडी दुभाजकला जाऊन धडकली.

दुभाजकला गाडी धडकली असता गाडीने तीन पलटी मारत पुण्याच्या बाजूकडे जाणाऱ्या एका चारचाकी गाडीवर जाऊन धडकली यामध्ये या बोलेरो चालकाच्या डोक्याला व छातीला गंभीर दुखापत झाली असून कार पलटल्यानंतर कारमधील चालकाला रुगणालयात दाखल करण्यात आले आहे. हा सगळा अपघात सी सी टीव्हीमध्ये कैद झाला आहे.