वंचित बहुजन आघाडीचे प्रमुख प्रकाश आंबेडकर यांनी खुलताबाद येथील औरंगजेबाच्या कबरीला भेट दिली आहे. छत्रपती संभाजीनगर जिल्ह्यात एका कार्यक्रमाच्या निमित्ताने आल्यानंतर त्यांनी वंचित बहुजन आघाडीच्या कार्यकर्त्यांसोबत औरंगजेबाच्या कबरीला भेट दिली. आंबेडकरांच्या या कृतीमुळे अनेकांच्या भावना दुखावल्या आहेत. (Latest Marathi News)

प्रकाश आंबेडकर यांच्या या भेटीनंतर राजकीय प्रतिक्रिया उमटत आहेत. तर या घटनेमुळे हिंदुत्ववादी संघटनाही आक्रमक झाल्या आहेत. त्यामुळे प्रकाश आंबेडकर यांना कबरीवर जाणं भोवणार असल्याचं चित्र आहे. हिंदुत्ववादी संघटनेने आंबेडकरांवर कारवाई करण्याची मागणी करून चांगलीच कोंडी केली आहे.(Latest Marathi News)

प्रकाश आंबेडकर यांनी या कबरीला भेट दिल्यानंतर आता नव्या वादाला तोंड फुटण्याची शक्यता आहे. हिंदू महासंघाचे नेते आनंद दवे यांनी या प्रकरणावर बोलताना छत्रपती शिवाजी महाराजांना त्रास देणाऱ्या आणि संभाजी महाराजांची हत्या करणाऱ्या औरंगजेबाच्या कबरीवर प्रकाश आंबेडकर यांनी माथा टेकून शिवभक्तांना दुखावलं आहे. त्यांनी शिवभक्तांच्या शिवभक्तीला आव्हानच दिलं आहे, असं हिंदू महासंघ मानतो असं हिंदू महासंघाचे नेते आनंद दवे यांनी म्हटलं आहे.(Latest Marathi News)

तर राज्यातील वातावरण बिघडण्याआधी, शिवभक्त चिडण्याआधीच सरकारने त्यांच्यावर कारवाई करावी. त्यांच्यावर कडक कलम लावून त्यांना अटक सुद्धा करावी अशी आमची भावना आहे, असं हिंदू महासंघाचे नेते आनंद दवे यांनी म्हटलं आहे.(Latest Marathi News)