Vasmat News: येथील परभणी रोडवरील साई अँग्रो कंपणीच्या गोदामाला सोमवार ता.२५ सकाळी तीन च्या दरम्यान आग लागली. या आगीत गोदामात साठवून ठेवलेली हळद कांडी व हळद पावडर जळून खाक झाले. नुकसानीचा आकडा कळू शकला नाही तसेच आगीचे कारणही निष्पन्न झाले नाही.

शहरातुन जाणार्या परभणी रोडवर लक्ष्मीकांत प्रसिद्ध मुरक्या यांचे हळदीवर प्रक्रिया करणारी मील आहे. तसेच हळद व हळदी पावडर साठवणूकीचे गोदाम आहे. सोमवारी सकाळी साडेतीन च्या सुमारास या गोदामाला अचानक आग लागली. मात्र गोदामाला आग लागल्याचे सकाळी ५ च्या सुमारास कळाले.

त्यानंतर वसमत व जिल्हाभरातील अग्निशमन दलास पाचारण करण्यात आले. या वेळी आगीवर नियंत्रण मिळविण्यासाठी १२ अग्निशमन दलाच्या जवानांनी आतोनात प्रयत्न केले. दुपारी ११ पर्यंत आग विझविण्याचे शर्थीचे प्रयत्न सुरू होते. आगीचे कारण कळू शकले नाही तसेच नुकसाणीचा आकडाही दुपारपर्यंत कळू शकला नाही परंतू हळद कांडी व हळद पावडर जळून प्रचंड मोठे नुकसान झाल्याची सुत्रांची माहिती आहे.