Aaditya Thackeray: ठाणे जिल्ह्यात सोमवारी सायंकाळी ठाकरे गटाच्या एका महिला कार्यकर्त्या रोशनी शिंदे यांच्यावर झालेल्या हल्ल्यावरून राज्यातील राजकारण चांगलेच तापले आहे. या घटनेच्या निषेधार्थ बुधवारी महाविकास आघाडीच्या वतीने ठाणे पोलीस मुख्यालयावर मोर्चा काढला. या मोर्चाचे रूपांतर सभेत झाले. यावेळी शिवसेनेचे नेते आदित्य ठाकरे यांनी सरकारवर जोरदार हल्लाबोल केला.

यावेळी त्यांनी एकनाथ शिंदे यांच्यावर टीका करताना म्हणाले, विशीतील आणि तिशीतील युवकांनी विचार करा तुम्ही जेव्हा तुमचं शिक्षण पुर्ण कराल त्यावेळी तुम्हाला नोकऱ्या मिळतील का?

गेल्या सहा ते सात महिन्यांमध्ये मी प्रत्येक उद्योगपती सोबत बोललो, भेटलो, अधिकाऱ्यांना भेटलो IAS, IPS अशा सगळ्या अधिकाऱ्यांना भेटलो, IAS, IPS यांना कामा बद्दल विचारलं असता ते सांगतात साहेब जे चाललं आहे ते चाललं आहे. पण तुमचा निकाल कधी लागत आहे. त्यावर आदित्य ठाकरे म्हणाले, आम्ही येणार लवकर येणार.

मात्र उद्योजक सांगत आहेत. आदित्य आम्ही जे आहेत तेच प्रकल्प पुढे घेवून जात आहे. नवीन प्रकल्प आणत नाही. असं म्हणत आदित्य ठाकरे यांनी सरकारवर जोरदार हल्लाबोल केला. तसेच ठाण्याचे पोलिस आयुक्तांना टोला लगावला ते म्हणाले, या सभेनंतर मला पोलिस कमिश्नर पळून जाण्या अगोदर भेटायचं आहे.