मुंबई : महाराष्ट्रातील 23 अपर जिल्हाधिकाऱ्यांना भारतीय प्रशासकीय सेवेत अर्थात आयएएसपदी बढती देण्यात आल आहे. यामध्ये एकट्या पुण्यातील 4 अधिकाऱ्यांना आयएएसचा दर्जा मिळाला आहे. पहिल्यांदा इतक्या मोठ्या संख्येन 23 अप्पर जिल्हाधिकाऱ्यांना IAS पदी बढती देण्यात आली आहे.

हे सर्व अधिकारी 1997 ते 1998च्या बॅचचे असून महाराष्ट्र नागरी सेवेतील उपजिल्हाधिकारीपदी ते नियुक्त झाले होते. यामुळं प्रशासनात आता त्यांना जिल्हा परिषद मुख्य कार्यकारी अधिकारी, जिल्हाधिकारी, महापालिका आयुक्त, सचिव, महामंडळाचे प्रमुख अशा वरिष्ठ पदांवर काम करण्याची संधी मिळणार आहे. त्यामुळे अधिकारीवर्गात आनंदाचं वातावरण आहे.

दरम्यान, दर पाच वर्षांनी आयएएस अधिकाऱ्यांच्या संख्येचा रिव्ह्यू घेतला जातो, यामुळं यंदा इतक्या मोठ्या प्रमाणात अधिकाऱ्यांना बढती मिळाल्याचं सांगितलं जात आहे. सेवा जेष्ठता, गुणवत्ता, मागील दहा वर्षातील गोपनीय अहवाल, विभागीय चौकशी नसणे, या सगळ्या बाबी तपासून राज्य नागरी सेवा संवर्गातून भारतीय प्रशासकीय सेवेत भरती देण्यात आली आहे.