मुंबई : भारतीय हवामान खात्याच्या माहितीनुसार, राज्यात पावसाचा जोर ओसरला असून पुढील २४ तासांकरिता राज्यातील कोणत्याही जिल्ह्याला रेड, ऑरेंज किंवा यलो अलर्ट देण्यात आलेला नाही, अशी माहिती मंत्रालयातील नियंत्रण कक्षाकडून प्रसिद्धीस देण्यात आली आहे.

तसेच, राज्यातील सर्व जिल्ह्यांमध्ये ६५ मिमीपर्यंत पाऊस पडण्याचा अंदाज हवामान खात्याकडून वर्तविण्यात आला असून, त्या ठिकाणी ग्रीन अलर्ट देण्यात आला आहे. पुढील २४ तासांकरिता किनारपट्टीलगतच्या जिल्ह्यांसाठी दुपारी ३:१५ वाजता भरतीची वेळ देण्यात आली असून, साधारण ४.५ मीटरपर्यंत समुद्राच्या लाटा येण्याचा अंदाज आहे.

दरम्यान, रत्नागिरी जिल्ह्यात जगबुडी नदीने धोक्याची पातळी ओलांडल्याचेही सांगण्यात आले. वीज कोसळण्याची शक्यता असणाऱ्या जिल्ह्यांतील नागरिकांनी आपली माहिती अद्ययावत ठेवण्यासाठी आपल्या मोबईलमध्ये दामिनी हे ॲप डाऊनलोड करावे. हे ॲप वापरणाऱ्यांना २० ते ४० किलोमीटर जीपीएस नोटिफिकेशनद्वारे सावध करते.

महत्त्वाच्या धरणांतील पाणीसाठा व विसर्ग

धरण - जिल्हा -एकूण क्षमता (दलघमी) -आतापर्यंतचा विसर्ग (क्युसेकमध्ये)

हतनूर -जळगाव -२५५- ४७६

गोसेखुर्द- भंडारा -७४०.१७ -५१०.०२

भंडारदरा -अहमदनगर- ३०४.१० -५४.०८

दारणा -नाशिक- २०२.४४- ३५.४०

धोम-बलकवडी- सातारा- ११२.१४- २४

राधानगरी- कोल्हापूर -२१९.९७ -१२१

ऊर्ध्व वर्धा- अमरावती- ५६४.०५- १४१

बेंबळा -यवतमाळ -१८३.९४- ४०

निम्न वर्धा -वर्धा -२१६.८७ -१७.४३

वारणा- सांगली- ७७९.३४ -२४३

चासकमान -पुणे -२१४.५०- ४७