मुंबई : महाराष्ट्रातील सत्तांतराच्या खेळात रोज नवनवी घडामोडी घडत आहेत. यामध्ये पुन्हा एकदा नवा खळबळजनक खुलासा झाला आहे. जितेंद्र आव्हाड यांनी हा खुलासा केला असून शिंदेंच्या बंडानंतर २४ तासांत सत्तेत सहभागी होण्यासाठी राष्ट्रवादीचं पत्र तयार होतं, त्यावर आपणही सही केल्याचं त्यांनी म्हटलं आहे. (Jitendra Awhad Exciting claim after Ekanth Shinde rebellion NCP MLA Support letter was prepared)

आव्हाड म्हणाले, भाजपबरोबर जाण्याचा प्रस्ताव राष्ट्रवादीकडे होता. शिंदेंनी बंड केल्यानंतर २४ तासात राष्ट्रवादीकडून आमदारांच्या पाठिंब्याचं पत्र तयार केलं होतं. अजित पवारांनी सांगितलं म्हणून आमदारांनी त्यावर सही केली होती. यामध्ये मी देखील सही केली होती. पण पवार साहेबांना एकटं कसं सोडायचं म्हणून जयंत पाटीलांनी पत्र दिलं नाही. (Latest Marathi News)

तनपुरेंनी केला होता विरोध

पण याला विरोध करणारा पहिला आमदार प्राजक्त तनपुरे होता तो म्हणाला होता हे योग्य नाही. ज्या बैठकीत पत्रावर सह्या घेतल्या गेल्या. त्या बैठकीत आमदार दिलीप बनकरांनी भूमिका मांडली होती की पवारसाहेबांचं वय झालं आहे, त्यांना राहू द्या आपण भाजपला पाठिंबा देऊयात, याला जयंत पाटील यांनी विरोध केला होता. (Marathi Tajya Batmya)

वळसेंना बंडाची माहिती असणार

मविआचं सरकार असताना शिंदेंचं बंड होणार असल्याची माहिती गृहमंत्री दिलीप वळसे पाटलांना माहिती असणार. त्यांना पहिल्या १५ मिनिटांत याची माहिती मिळाली असणार, असंही जितेंद्र आव्हाडांनी म्हटलं आहे.