Jitendra Awhad: शिर्डीमध्ये राष्ट्रवादी काँग्रेस शरद पवार गटाच्या पदाधिकाऱ्यांचे शिबिर आयोजन करण्यात आले होते. यावेळी आमदार जितेंद्र आव्हाड यांनी अजित पवार गटावर हल्लाबोल केला. यावेळी त्यांनी दिलीप वळसे पाटील यांना देखील टोला लगावला. शरद पवार यांच्यावर वयावरून टीका करणाऱ्यांना त्यांनी उत्तर दिले.

जितेंद्र आव्हाड म्हणाले, शरद पवार तुम्ही यांचे परतीचे दरवाजे बंद करा. ते तुमच्यावर बोलले. तर एका मिनिटात त्यांना प्रत्युत्तर दिलं जाईल. ते तुमच्या वयाबद्दल बोलतात. दिलीप वळसे पाटील या वयात काय VT ते आंबेगाव Marathon धावणार आहेत का?

२०१९ चे बंड केल्यानंतर अजित पवारांना उपमुख्यमंत्री पदावर बसवणं ही एनसीपी ची सगळ्यात मोठी चूक होती. जिथे जिथे संधी मिळाली तिथे साहेबांचा माणसांचा अपमान केला. दत्ता मेघे यांच्या उदाहरण आहे, असे जितेंद्र आव्हाड म्हणाले.

जितेंद्र आव्हाड यांनी सुनिल तटकरे यांच्यावर देखील टीका केली. आव्हाड म्हणाले, "मला आश्चर्य वाटतं तटकरे यांचं... मैत्रीसाठी मला सोडून मुलीला पालकमंत्री केलं. यावेळी एकनाथ शिंदे यांनी मला बाजूला घेऊन सांगितलं की तुला रायगड च द्यायच होते. पण ते अजित पवार यांच्यामुळे शक्य झालं नाही. मैत्रीला जागले दादा. २०१९ चा बंडात सर्वात मोठा हात सुनील तटकरे यांचा होता. तुम्ही हे घर फोडले. तुमच्या घराची काय स्थिती आहे? तुम्ही जे पेराल तेच उगवेल."