मुंबई : मुख्यमंत्री उद्धव ठाकरेंनी सह्याद्री रेस्टोरेंटच्या मालकाला 100 कोटींचे कंत्राट दिला आणि त्यांचा थेट संबंध संजय राऊत (Sanjay Raut) यांच्याशी असल्याचा आरोप किरीट सोमय्यांनी (Kirit Somaiya) केला होता. संजय राऊत यांचे बेनामी पार्टनर सुजित पाटकर याला हे कंत्राट दिल्याचा आरोप त्यांनी केला. तीन पेशंटचे मृत्यू झाल्यानंतर त्याला ब्लॅकलीस्ट करण्यात आलं मात्र तरी आदित्य ठाकरेंनी (Aditya Thackeray) त्यांना नंतर पुन्हा कंत्राट दिलं. त्यानंतर आता आज किरीट सोमय्या आज त्याच चहावाल्याकडे गेले असल्याचं दिसून आलं. यावेळी त्यांनी सह्याद्री रेस्टोरेंटचे मालक राजीव साळुंकेवर गंभीर आरोप केले.

किरीट सोमय्या यांनी मागच्या काही दिवसांपासून संजय राऊत आणि शिवसेनेच्या नेत्यांवर आरोपांची राळ उठवली आहे. संजय राऊत आणि त्यांच्या कुटुंबाशी संबंधीत काही लोकांवर त्यांनी आर्थिक गैरव्यवहार केल्याचे आरोप केले आहेत. तर काही दिवसांपूर्वी त्यांचे राऊतांचे निकटवर्तीय प्रवीण राऊत यांनाही ईडीने ताब्यात घेतलं आहे, त्यानंतर आता सोमय्यांनी त्यांच्या मोर्चा कोविड सेंटरकडे वळवला असून, कोरोना काळात मोठे गैरव्यवहार झाल्याचे आरोप त्यांनी केले आहेत. संजय राऊत यांच्या जवळच्या व्यक्तींपैकी एक असणाऱ्या मुंबईच्या वरळी येथील सह्याद्री रस्टोरेंटच्या मालकाला कोरोना काळात मोठे कंत्राट दिल्याचा आरोप त्यांनी आता केला आहे. आज त्यांनी अचानक सह्याद्री रेस्टोरेंटला भेट दिली. मात्र यावेळी रेस्टोरेंटचे मालक त्याठिकाणी उपस्थित नसल्याचं दिसून आलं.