एनसीबीचे झोनल डायरेक्टर समीर वानखेडे हे सध्या वादाच्या भोवऱ्यात सापडले आहेत. क्रूझ ड्रग पार्टीवर टाकलेल्या धाडीपासून त्यांचं नाव चर्चेत होतं. त्यांच्यावर आता नवाब मलिक यांनी गंभीर आरोप केले आहेत. या आरोपांमध्ये नवाब मलिक यांनी त्यांच्या परिवराबद्दल देखील अनेक प्रश्न उपस्थित केले. यास्मिन वानखेडे यांनी आज नवाब मलिकांनी केलेले आरोप फेटाळून लावले. यावेळी बोलताना त्यांनी आज मंत्र्यांनी काय नवीन आरोप केला आहे ते मला सांगा...असं म्हणत बोलायला सुरुवात केली.

नवाब मलिक यांच्याबद्दल बोलताना त्या म्हणाल्या की, "त्यांच्याकडे काहीही पुरावे येतात, त्यांच्याक़डे एवढे पुरावे आहेत तर कोर्टात जा की, माध्यमांसमोर का वेळ घालवता असं यास्मिन यावेळी म्हणाल्या. मलिक यांची रिसर्च टीम मोठी आहे. जन्माचा दाखला काढण्याचा अधिकार तुम्हाला कोणी दिला, तुम्हाला कोणी तुमचा धर्म, जात विचारली आहे का असा सवालही त्यांनी उपस्थित केला.

आर्यन खान प्रकरणानं गेल्या काही दिवसांपासून वेगळं वळण घेण्यास सुरुवात केली आहे. त्यामध्ये या प्रकरणाचा तपास करणाऱ्या एनसीबीच्या अधिकाऱ्यांवरच भ्रष्टाचाराचे आरोप करण्यात आले आहेत. त्यामध्ये राष्ट्रवादीचे ज्येष्ठ नेते नवाब मलिक यांनी एनसीबीचे अधिकारी समीर वानखेडे यांच्यावर धक्कादायक आरोप केले होते.