Ajit Pawar Latest News: राज्यामध्ये सध्या 'मुख्यमंत्री माझी लाडकी बहीण' योजनेचीच चर्चा सुरु आहे. आगामी विधानसभा निवडणुका डोळ्यासमोर ठेवून सत्ताधारी पक्षांनी ही महत्त्वाकांक्षी योजना लाँच केल्याचं राजकीय जाणकार सांगतात. मात्र या योजनेवरुन विरोधकांनी सरकारला धारेवर धरलं आहे.

महत्त्वाचं म्हणजे सत्ताधारी पक्षातदेखील योजनेच्या श्रेयावरुन तू-तू..मैं-मैं सुरु असल्याचं दिसून येतंय. अजित पवार अर्थमंत्री असल्याने प्रत्येक भाषणात ते योजनेवरुन भरभरुन बोलत आहेत. तर मुख्यमंत्री एकनाथ शिंदे हे सरकारचे प्रमुख म्हणून योजनेला प्रसिद्धी देतायत.

त्यातच आता अजित पवार गटाकडून लाँच करण्यात आलेल्या गाण्यामध्ये 'मुख्यमंत्री माझी लाडकी बहीण' या योजनेचा उल्लेख केवळ 'माझी लाडकी बहीण योजना' असा करण्यात आलेला आहे. पक्षाचं गाणं असल्यामुळे गाण्यामध्ये अजित पवारांची भलामण केलेली दिसतेय.

राष्ट्रवादी काँग्रेसच्या जनसन्मान यात्रेला गुरुवारपासून सुरुवात होत आहे. पक्षाचे राष्ट्रीय अध्यक्ष अजित पवार, कार्याध्यक्ष प्रफुल्ल पटेल, प्रदेशाध्यक्ष सुनील तटकरे आणि मंत्री छगन भुजबळ यांच्यासह सगळे मंत्री, आमदार, पदाधिकाऱ्यांच्या उपस्थितीत दिंडोरीतून यात्रेची सुरुवात होणार आहे.

असा असेल गुरुवारचा कार्यक्रम

सकाळी १० वाजता ओझर विमानतळावर नेत्यांच आगमन होणार

११ वाजता - न्यू कम्युनिटी हॅाल, दिंडोरी येथे जनतेशी संवाद

१ वाजता - सह्याद्री फार्म येथे द्राक्ष उत्पादक शेतकऱ्यांशी संवाद

३ वाजता - पंचवटी येथील काळाराम मंदिरात पूजा

४ वाजता - देवळाली येथे लाडक्या बहीणींसोबत संवाद