राज्याच्या राजकारणात अनेक घडामोडी घडत आहेत. अशातच सत्ताधारी आणि विरोधक यांच्यात वारंवार पक्ष फोडाफोडीवरून अनेकदा आरोप-प्रत्यारोप केले जातात. आता ठाकरे गटाकडुन सत्ताधाऱ्यांवर गंभीर आरोप करण्यात आले आहे. मुंबईतील शिवसेनेचे नगरसेवक फोडण्यासाठी 700 कोटी खर्च केल्याचा आरोप करण्यात आला आहे.

मुंबईतील शिवसेनेचे नगरसेवक फोडण्यासाठी 700 कोटी रुपये खर्च करण्यात आले आहेत. पालिकेच्या निधीतूनच हा खर्च करण्यात आला आहे, असा आरोप ठाकरे गटाचे मुखपत्र असणाऱ्या दैनिक ‘सामना’च्या अग्रलेखातून करण्यात आलेला आहे. या आरोपामुळे राजकीय वर्तुळात एकच खळबळ उडाली आहे.

राज्यात पावसाने ओढ दिली आहे. त्यामुळे कोरड्या दुष्काळाची स्थिती निर्माण झाली आहे. तर अनेक ठिकाणी येत्या काळात पाण्याची समस्याही उद्भवण्याची शक्यता आहे. त्यामुळे बळीराजा चिंतीत आहे. या विषयावरूनही दैनिक ‘सामना’च्या अग्रलेखातून राज्यातील सरकारवर हल्लाबोल करण्यात आला आहे. राज्यातील मुख्यमंत्री, दोन्ही उपमुख्यमंत्री आणि राज्याचे कृषी मंत्री यांच्यावरही टीका करण्यात आली आहे.

मुंबई महापालिका निवडणुकीच्या तोंडावरच ‘सामना’तील अग्रलेखातून गंभीर आरोप करण्यात आला आहे. मुंबईतील शिवसेनेचे नगरसेवक फोडण्यासाठी 700 कोटी रुपये खर्च करण्यात आले आहेत. पालिकेच्या निधीतूनच हा खर्च करण्यात आला आहे, असंही म्हटलं आहे.

त्याचबरोबर राज्यातील एखाद्या पालिकेतील नगरसेवक फोडण्याचं हे सर्वात मोठं ऑपरेशन असल्याच्याही चर्चा सुरू आहेत. त्याचबरोबर आमदारांवर नगरविकास खात्याने उधळपट्टी सुरू केली आहे. ती थांबवून तोच पैसा दुष्काळ निवारण्यासाठी आणि शेतकऱ्यांना जगवण्यासाठी वाचवण्याचा सल्लाही अग्रलेखाच्या माध्यमातून देण्यात आला आहे.