जालन्यातील वडीगोद्रीत मराठा आरक्षण देताना ओबीसी आरक्षणाला धक्का लावू नये यासह विविध मागण्यांसाठी गेल्या 9 दिवसांपासून लक्ष्मण हाके उपोषणाला बसले आहेत. आज सरकारचे शिष्ठमंडळ त्यांची भेट घेणार आहे. जर यामध्ये हाकेंच्या मागण्यांवर सरकारने समाधानकारक तोडगा काढला तर ते उपोषण मागे घेऊ शकतात, अशी माहिती समोर आली आहे.

सरकारचे शिष्ठमंडळ आज पुणे जिल्हाधिकारी आवारात उपोषणाला बसलेल्या ओबीसी आंदोलकांची पहिल्यांद भेट घेणार आहे. त्यानंतर दुपारी दोन वाजता हे शिष्ठमंडळ वडीगोद्रीत उक्ष्मण हाके आणि नवनाथ वाघमारे यांची भेट घेऊन चर्चा करणार आहे.

दरम्यान सरकारच्या या शिष्ठमंडळात छगन भुजबळ, गिरीश महाजन, उदय सामंत, धनंजय मुंडे, संदीपान भुमरे आणि अतुल सावे यांचा समावेश आहे.

समा टीव्हीच्या वार्ताहराशी बोलताना लक्ष्मण हाके म्हणाले, "काल आमची सरकारच्या शिष्ठमंडळाशी भेट झाली. त्यामध्ये सरकारकडून आणच्या दोन मागण्यांवर सकारात्मक चर्चा झाली. परंतु आमच्या आणखी दोन मागण्यांवर सरकारकडून उत्तर आलेले नाही. त्यामुळे आज शिष्ठमंडळ काय घेऊन येतेय हे पहावे लागेल. त्यानंतर आम्ही आमची भूमिका ठरवणार आहे."