महाराष्ट्रात विधानसभा निवडणुकीपूर्वी भाजपला मोठा फटका बसू शकतो. भाजपचे मुस्लिम नेते हाजी अराफत शेख पक्ष सोडण्याची शक्यता आहे. भाजपच्या काही नेत्यांच्या मुस्लिम विरोधी वक्तव्यामुळे अरफत शेख संतापले असल्याचे सूत्रांचे म्हणणे आहे. नुकतेच नितीश राणेंच्या वक्तव्यावरून शाब्दिक चकमक झाली होती. यानंतर ते पक्ष सोडण्याचा निर्णय घेण्याच्या तयारीत असल्याचे बोलले जात आहे.

मिळालेल्या माहितीनुसीर, भाजप नेते हाजी अराफत शेख भाजप पदाचा राजीनामा देणार सूत्रांची माहिती आहे. मुस्लिम समाज विरोधात भाजप नेते नितेश राणे वारंवार भूमिका घेत आहेत. त्यामुळे हाजी अराफत शेख नाराज असल्याचे सांगण्यात येत आहे. मंगळवारी हाजी अरफत शेख उपमुख्यमंत्री आणि भाजप नेते देवेंद्र फडणवीस यांची भेट घेऊन आपला निर्णय जाहीर करतील आणि पक्ष सोडण्याची घोषणाही करू शकतात, अशी माहिती सूत्रांनी दिली.

कोण आहेत हाजी अराफत शेख?

हाजी अराफत शेख हे अयोध्येतील राम मंदिराच्या जागी धनीपूरमध्ये मशीद बांधण्यासाठी स्थापन करण्यात आलेल्या समितीचे अध्यक्ष आहेत. हाजी अराफात शेख यांना मस्जिद मुहम्मद बिन अब्दुल्ला विकास समितीचे अध्यक्ष आणि निधी उभारण्यासाठी इंडो-इस्लामिक कल्चरल फाऊंडेशनचे सदस्य बनवण्यात आले आहे.