मुंबई : पंतप्रधान नरेंद्र मोदी यांना लोकमान्य टिळक पुरस्कार जाहीर झाला आहे. पण आता त्यांना पुरस्कार जाहीर झाल्यावरुन वादही निर्माण झाला आहे. पुणे शहर काँग्रेसच्या पदाधिकाऱ्यांनी यावर आक्षेप घेतला त्यानंतर आता शिवसेनेचे खासदार संजय राऊत यांनीही मोदींवर टीका केली आहे. (Lokmanya Tilak Award PM Modi ShivSena Sanjay Raut critisizes)

"मी नरेंद्र मोदींना टिळकांचं चरित्र वाचायला पाठवीन, ज्यांनी कोणी हा पुरस्कार जाहीर केला आहे त्यांना देखील पाठवीन. टिळकांचा संघर्ष, लोकशाहीविषयीची मतं या सगळ्यांनी समजून घेतली पाहिजेत. पुरस्कार घेणाऱ्यांनी आणि पुरस्कार देणाऱ्यांनी सुद्धा", अशा शब्दांत राऊतांनी मोदींवर टीका केली आहे. (Latest Marathi News)

दरम्यान, पुणे शहर काँग्रेसचे अध्यक्ष अरविंद शिंदे यांनी मोदींना जाहीर झालेल्या पुरस्कारावर आक्षेप घेतला आहे. याबाबतचं पत्र त्यांनी प्रदेशाध्यक्ष नाना पटोले यांना पाठवलं आहे. पण पटोले यांनी यावर अद्याप भूमिका स्पष्ट केलेली नाही. (Marathi Tajya Batmya)