Loksabha election 2024 : पंतप्रधान नरेंद्र मोदी यांनी शरद पवार आणि उद्धव ठाकरेंना एनडीएसोबत येण्याचं आवाहन केल्यानंतर ठाकरेंनी त्यांना जोरदार प्रत्युत्तर दिलं आहे. उद्धव ठाकरे म्हणाले की, मला मोदींनी डोळा मारलाय पण मी जाणार नाही. माझा महाराष्ट्र लुटणाऱ्यांसोबत मी जाणार नाही.. तुम्हाला मी इंगा दाखवेन, भवानी मातेचे तेज दाखवेल.. असा इशारा त्यांनी दिला.
जालन्यातील सभा रद्द झाल्यानंतर उद्धव ठाकरेंनी छत्रपती संभाजी नगरमधून मतदारांना संबोधित केलं. ते म्हणाले की, आज जालन्यात जाणार होतो मात्र पाऊस आला आणि हेलिकॉप्टर उडणे शक्य नव्हते म्हणून रद्द केला, जालन्याच्या नागरिकांची मी माफी मागतो.
उद्धव ठाकरे पुढे म्हणाले की, महाराष्ट्राने मोदीजींना झुकवले आहे, शहेंशाहसारखे सध्या ते फिरताय, मोदीजी पोलीस बाजूला ठेवून जनतेत या ना.. सगळीकडे नुसते कडेकोट बंदोबस्त. एअर स्पेस बंद, सभेला छावणी , सगळीकडे पोलीस.. इतका बंदोबस्त असे तुम्ही फिरताय. तुम्ही माझा पक्ष पळवला, चिन्ह चोरले, माणसे फोडली तरी तुम्हाला उद्धव ठाकरेंची भीती वाटते.
ते पुढे म्हणाले की, केंद्र म्हणतंय की गेल्या काही वर्षात मुसलमानांची संख्या वाढली. याचं कौतुक करावं की टीका करावी. एकीकडे म्हणायचे नकली शिवसेना, नकली राष्ट्रवादी आणि आता म्हणायचं आजा मेरी गाडी मे बैठ जा, आता पवारांना डोळा मारतायत.
''तुम्ही वेडेवाकडे बोलताय आम्ही कौटुंबिक बोलत नाही, तुम्ही माझ्या शिवसेनेला नकली शिवसेना म्हणाले, मला बाळासाहेबांची नकली संतान म्हणता, तुम्ही तुमचा आत्मा शैतानाला विकलाय बाळासाहेबांच्या आत्म्याला काय वाटत असेल, विचार करा.''
ठाकरे पुढे म्हणाले, मोदीजी तुमचं सगळं फसवं आहे. तुम्ही फक्त फसवतात, तुमच्या गाडीला भ्रष्टाचाराची चाके आहेत.. हे इंजिन आता परत गुजरातला पाठवायचे आहे. 2014 साली तुम्ही युती तोडली, आमचं चुकलं 2019 साली आम्ही युती तोडणार होतो.
काय म्हणाले उद्धव ठाकरे?
मला भाजपला विचारायचंय, मोदी सेनाप्रमुख मासाहेब माझ्या कुटुंबीयांचा अपमान करताय, मोदीजी तुमच्या आई-वडिलांना तुमच्यावर संस्कार केले नाहीत का? ही भाषा योग्य नाही, शिकवणी लावा.
मला मोदींनी डोळा मारलाय मी जाणार नाही, माझा महाराष्ट्र लुटणाऱ्यासोबत जाणार नाही, तुम्हाला मी इंगा दाखवेल, भवानी मातेचे तेज दाखवेल.
प्रमोद महाजन असते तर तुम्ही पंतप्रधान झाले नसते. मराठी माणूस पंतप्रधान झाला असता
मोदीजी कधी काळी स्नेही होतात. मध्येमध्ये तुम्हाला अमच्यावर प्रेम येतं.. थोडं शांतीने घ्या, पतंजली तेल लावा आणि वनप्रस्थान ठेवा, माझ्या देशाची वाट लावू नका.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.